ສູນ ICT ແຂວງຫຼວງພະບາງ ຈັດກິດຈະກຳ ຖາມ-ຕອບ ວິທະຍາສາດ ຄອມພິວເຕີ ພາສາອັງກິດ ໂຕ້ວາທີ ແລະ ການປຸງແຕ່ງອາຫານ
ເພື່ອເປັນການທົດສອບຄວາມຮູ້ຄວາມສາມາດຂອງນ້ອງນັກຮຽນນັກສຶກສາຊັ້ນມັດທະຍົມປາຍເມື່ອວັນທີ 23 ກຸມພາ ຜ່ານມາທີ່ໂຮງຮຽນ ມສ ສັນຕິພາບ ນະຄອນຫຼວງພະບາງ ແຂວງຫຼວງພະບາງ ສູນ ICT ພະແນກສຶກສາທິການ ແລະ ກິລາແຂວງ ຫຼວງພະບາງ ໄດ້ຈັດກິດຈະກຳ ຖາມ-ຕອບ ວິທະຍາສາດ ຄອມພິວເຕີ – ພາສາອັງກິດ ໂຕ້ວາທີ ແລະ ການປຸງແຕ່ງອາຫານ ສຳລັບນັກຮຽນຊັ້ນມັດທະຍົມປາຍຄັ້ງທີ VI ໂດຍພາຍໃຕ້ການເປັນປະທານຂອງ ທ່ານ ປອ ນາງ ບົວລອຍ ອິດທິພອນ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ, ທ່ານ ນາງ ບຸນທະວີ ຈັນທະວົງສາ ຫົວໜ້າສູນ ICT ພະແນກສຶກສາທິການ ແລະ ກິລາແຂວງ,ມີທ່ານ ຄະນະອໍານວຍການໂຮງຮຽນ, ຄະນະຮັບຜິດຊອບ, ພະນັກງານ ຄູ-ອາຈານ, ວິຊາການ ນ້ອງນັກຮຽນ ແລະ ນັກຖາມ-ຕອບເຂົ້າຮ່ວມ ຢ່າງພ້ອມພຽງ.
ການຈັດກິດຈະກຳ ຖາມ-ຕອບວິທະຍາສາດ ຄັ້ງນີ້ ມີນັກຮຽນມາຈາກໂຮງຮຽນມັດທະຍົມຕອນປາຍ ພາຍໃນເທດສະບານນະຄອນຫຼວງພະບາງ 7 ແຫ່ງເຂົ້າຮ່ວມໃນນັ້ນ ມີຜູ້ເຂົ້າຮ່ວມທັງໝົດ 112 ຄົນ ທີ່ມາຈາກໂຮງຮຽນມສ ສັນຕິພາບ, ມສ ປ່ອງຄຳ, ມສ ປະຊາທິປະໄຕ,ມສ ເດັກກ່ຳພ້າ,ມສ SOS ແຮກມານໄມເນີ, ມສ ສົງ ແລະ ມປ ພັນຫລວງ, ສ່ວນກິດຈະກຳ ຖາມ-ຕອບ ວິທະຍາສາດ ຄອມພິວເຕີ ພາສາອັງກິດ ໂຕ້ວາທີ ແລະ ການປຸງແຕ່ງອາຫານ ຂອງສູນໄອຊີທີ ພະແນກສຶກສາທິການ ແລະ ກິລາແຂວງ ໄດ້ຈັດຂື້ນເປັນຄັ້ງທີ່ VI ເຊີ່ງໃນສົກຮຽນນີ້ແມ່ນທາງໂຮງຮຽນມັດທະຍົມສົມບູນ ສັນຕິພາບ ຮັບກຽດເປັນເຈົ້າພາບ ແລະ ໃນສົກຮຽນຕໍ່ໄປແມ່ນໂຮງຮຽນມັດທະຍົມສົມບູນ ປ່ອງຄຳຈະຮັບກຽດເປັນເຈົ້າພາບ, ຜ່ານການແຂ່ງຂັນສະຫຼຸບໄດ້ດັ່ງນີ້:
1.ຜົນການແຂ່ງຂັນຖາມ-ຕອບ ໄອຊີທີ ແລະ ພາສາອັງກິດ
ລ/ດ | ຊື່ໂຮງຮຽນ | ຄະແນນ | ອັນດັບທີ |
1 | ມສ ປະຊາທິປະໄຕ | 61 | I |
2 | ມສ ປ່ອງຄຳ | 58 | II |
3 | ມປ ພັນຫລວງ | 34 | III |
2.ຜົນການແຂ່ງຂັນໂຕ້ວາທີ
ລ/ດ | ຊື່ໂຮງຮຽນ | ຄະແນນ | ອັນດັບທີ |
1 | ຫ້ອງຮຽນພອນສະຫວັນ
(ມສ ສັນຕິພາບ) |
93,8 | I |
2 | ມສ ປ່ອງຄຳ | 93 | II |
3 | ມສ SOS | 89,4 | III |
3.ຜົນການແຂ່ງຂັນປຸງແຕ່ງອາຫານ
ລ/ດ | ຊື່ໂຮງຮຽນ | ຄະແນນ | ອັນດັບທີ |
1 | ມສ SOS | 97,8 | I |
2 | ມສ ສັນຕິພາບ | 97,6 | II |
3 | ມສ ເດັກກຳພ້າ | 96,2 | III |
ສຳລັບການການຈັດກິດຈະກກຳໃນຄັ້ງນີ້ແມ່ນເພື່ອເປັນການທົດສອບຄວາມຮູ້ຄວາມສາມາດຂອງນ້ອງນັກຮຽນນັກສຶກສາຊັ້ນມັດທະຍົມປາຍ ແລະ ອີກດ້ານໜຶ່ງກໍ່ເພື່ອແນ່ໃສ່ໂຄສະນາເຜີຍແຜ່ ແລະ ສົ່ງເສີມນ້ຳໃຈອັນດີງາມຄວາມສາມັກຄີ-ມິດຕະພາບ ແລະ ເປັນການແລກປ່ຽນບົດຮຽນດ້ານຕ່າງໆຂອງນັກຮຽນ-ຄູອາຈານ ແລະ ໂຮງຮຽນຕໍ່ໂຮງຮຽນ ນອກນີ້ຍັງເປັນການຝຶກທັກສະໃຫ້ແກ່ນ້ອງນັກຮຽນມີຄວາມຊິນເຄີຍ, ຄ່ອງແຄ້ວ ໃນການຕອບຄໍາຖາມ ແລະ ກຽມພ້ອມເຂົ້າຮ່ວມການແຂ່ງຂັນໃນລະດັບຕ່າງໆເພື່ອກ້າວເຂົ້າສູ່ການສອບເສັງນັກຮຽນເກັ່ງລະດັບແຂວງ ແລະ ລະດັບຊາດ.
ໂດຍ: ສູນໄອຊີທີ ຫຼວງພະບາງ
u4okdm