ຫົວໜ້າຂະແໜງ
- ໜ້າທີ່ຮັບຜິດຊອບ: ລົງເລິກວຽກງານແຂ່ງຂັນ ແລະ ຄົ້ນຄວ້າລະບຽບການ.
- ນຳພາວຽກງານແນວຄິດການເມືອງ, ການຈັດຕັ້ງ ແລະ ດ້ານວິຊາການ ພາຍໃນຂະແໜງ.
- ຜັນຂະຫຍາຍ ແລະ ຈັດຕັ້ງປະຕິບັດແຜນການຂອງພະແນກທີ່ກ່ຽວຂ້ອງກັບວຽກງານຂອງຂະແໜງຕົນ.
- ຊີ້ນຳການຄົ້ນຄວ້າ ແລະ ອອກລະບຽບການໃນການອະນຸມັດ ແລະ ຄຸ້ມຄອງການດຳເນີນທຸລະກິດທີ່ກ່ຽວກັບການໃຫ້ບໍລິການດ້ານການກິລາ ຕາມລະບຽບການ.
- ສະເໜີສ້າງຕັ້ງ, ປັບປຸງ ແລະ ຍົກເລີກ ສະໂມສອນກິລາກາຍະກຳ ຫຼື ຫົວໜ່ວຍທຸລະກິດກິລາ-ກາຍະກຳພາຍໃນແຂວງ, ນະຄອນຫຼວງ.
- ຈັດຕັ້ງການແຂ່ງຂັນກິລາ – ກາຍະກຳມວນຊົນປະເພດຕ່າງໆໃນຂອບເຂດຄວາມຮັບຜິດຊອບຂອງຕົນໂດຍສົມທົບກັບສະຫະພັນ ກິລາພື້ນເມືອງຂອງແຂວງ, ນະຄອນຫຼວງ ແລະ ຂະແໜງມວນຊົນຂອງແຂວງຕ່າງໆ.
- ຕິດຕາມ, ກວດການ, ປະເມີນຜົນ ແລະ ສະຫຼຸບ ລາຍງານ ການຈັດຕັ້ງປະຕິບັດວຽກງານຕ່າງໆໆທີ່ຕົນຮັບຜິດຊອບເປັນປົກກະຕິ.
- ປະຕິບັດວຽກງານອື່ນໆ ຕາມການມອບໝາຍ.
- ຂອບເຂດສິດ
- ຊີ້ນຳວຽກງານແຂ່ງຂັນ ແລະ ຄົ້ນຄວ້າລະບຽບການ.
- ສະເໜີຄຳຄິດເຫັນຕ່າງໆ ເພື່ອປັບປຸງ ແລະ ພັດທະນາວຽກງານຂອງຂະແໜງ ແລະ ພະແນກ.
- ເຂົ້າຮ່ວມເຄື່ອນໄຫວວຽກງານຕ່າງໆ ຕາມການມອບໝາຍຂອງຫົວໜ້າພະແນກ.
- ມອບໝາຍວຽກງານໃຫ້ຮອງຫົວໜ້າຂະແໜງ ແລະ ພະນັກງານພາຍໃນຂະແໜງ.
ຮອງຫົວໜ້າຂະແໜງ
ໜ້າທີ່ຮັບຜິດຊອບ: ວຽກງານປຸກລະດົມ ແລະ ຊຸກຍູ້ມວນຊົນ.
- ຊ່ວຍຫົວໜ້າຂະແໜງການ ກະຕຸກຊຸກຍູ້, ປຸກລະດົບ ແລະ ສົງເສີມການຝຶກແອບກິລາ ປະເພດຕ່າງໆ.
- ເຜີຍແຜ່ແນະນຳ ທາງດ້ານທິດສະດີ ກ່ຽວກັບເຕັກນິກ, ກະຕິກາ, ແບບຫຼີ້ນປະເພດຕ່າງໆ ຢູ່ສຳນັກງານອົງການ ສະຖານການສຶກສາຕ່າງໆ ຂອງລັດ, ເອກະຊົນ ແລະ ມວນຊົນທົ່ວໄປ.
- ຊຸກຍູ້, ສົງເສີມ ແລະ ສ້າງເງື່ອນໄຂອຳນວຍຄວາມສະດວກ ໃນການລົງທຶນເຂົ້າໃສ່ການດຳເນີນທຸລະກິດ ແລະ ໃຫ້ການບໍລິການດ້ານການກິລາກາຍຍະກຳ.
- ປຸກລະດົມ ແລະ ປະສານສົມທົບກັບບັນດາອົງການຈັດຕັ້ງລັດ, ອົງການຈັດຕັ້ງສັງຄົມເຂົ້າຮ່ວມກິດຈະກຳການອອກກຳລັງກາຍ, ການຝຶກແອບ, ການສະແດງ, ການແຂ່ງຂັນກິລາພື້ນເມືອງ ໃນວັນສຳຄັນຂອງຊາດ ແລະ ການແຂ່ງຂັນກິລາມວນຊົນຕ່າງໆ.
- ຕິດຕາມ, ກວດກາ ແລະ ປະເມີນຜົນ ແລະ ສະຫຼຸບ ລາຍງານ ການຈັດຕັ້ງປະຕິບັດວຽກງານຕ່າງໆ ທີ່ຕົນຮັບຜິດຊອບເປັນປົກກະຕິ.
- ປະຕິບັດໜ້າທີ່ອື່ນໆ ຕາມການມອບໝາຍຂອງຂັນເທິງ.
- ຂອບເຂດສິດ
- ຊີ້ນຳວຽກງານປົກລະດົມ ແລະ ຊຸກຍູ້ມວນຊົນ.
- ສະເໜີຄຳຄິດເຫັນຕ່າງໆ ເພື່ອປັບປຸງ ແລະ ພັດທະນາວຽກງານຂອງຂະແໜງ ແລະ ພະແນກ.
- ປະຕິບັດໜ້າທີ່ຕາມພາລະບົດບາດທີ່ໄດ້ກຳນົດໄວ້ ໃນຕຳແໜ່ງງານ.
- ເຂົ້າຮ່ວມເຄື່ອນໄຫວວຽກງານຕ່າງໆ ຕາມການມອບໝາຍຂອງຫົວໜ້າຂະແໜງ ແລະ ພະແນກ.
ຕຳແໜ່ງ ວິຊາການ
- ໜ້າທີ່ຮັບຜິດຊອບ: ວຽກງານຄົ້ນຄວ້າລະບຽບການ ແລະ ການແຂ່ງຂັ້ນກິລາພື້ນເມືອງ.
- ສ້າງແຜນພັດທະນາກິລາພື້ນເມືອງ ໄລຍະສັ້ນ-ໄລຍະຍາວ ພາຍໃນແຂວງ, ນະຄອນຫຼວງ.
- ສ້າງ ແລະ ຈັດຕັ້ງຕາຕະລາງແຜນການເຄື່ອນໄຫວ ການແຂ່ງຂັນກິລາພື້ນເມືອງ ແລະ ຈັດຕັ້ງການຫຼີ້ນກິລາພື້ນເມືອງປະເພດຕ່າງໆ ໃຫ້ເປັນຂະບວນການຟົດຟື້ນ.
- ຄົ້ນຄວ້າ ແລະ ສ້າງລະບຽບການໃນການຄຸ້ມຄອງ ແລະ ການດຳເນີນທຸລະກິດ ກິລາມວນຊົນ ຕາມລະບຽບການ.
- ຄຸ້ມຄອງ ນັກກິລາ, ສະໂມສອນກິລາພື້ນເມືອງແຕ່ລະປະເພດ ແລະ ສະຖານທີ່ການອອກກຳລັງກາຍ.
- ເຜີຍແຜ່, ແນະນຳ ທາງດ້ານທິດສະດີ ກ່ຽວກັບເຕັກນິກ, ກະຕິກາ, ແບບຫຼີ້ນກິລາປະເພດຕ່າງໆໃຫ້ຊຸມຊົນ, ສຳນັກງານ, ອົງການ, ສະຖານທີ່ການສຶກສາຕ່າງໆ ທັງພາກລັດ ແລະ ເອກະຊົນ ລວມທັງມວນຊົນທົ່ວໄປ.
- ເກັບກຳສະຖິຕິຂໍ້ມູນຂ່າວສານ ແລະ ຄົ້ນຄວ້າວິໄຈກ່ຽວກັບການພັດທະນາກິລາພື້ນເມືອງ.
- ລາຍງານການຈັດຕັ້ງປະຕິບັດວຽກງານຕ່າງໆ ທີ່ຕົນຮັບຜິດຊອບ ເປັນປົກກະຕິ.
- ປະຕິບັດວຽກງານອື່ນໆ ຕາມການມອບໝາຍ.
- ຂອບເຂດສິດ.
- ສະເໜີຄຳຄິດເຫັນຕ່າງໆ ເພື່ອປັບປຸງ ແລະ ພັດທະນາວຽກງານຂອງຂະແໜງ.
- ເຂົ້າຮ່ວມເຄື່ອນໄຫວວຽກງານຕ່າງໆ ຕາມການມອບໝາຍ ຂອງຫົວໜ້າຂະແໜງ ແລະ ພະແນກ.