ຮອງຫົວໜ້າພະແນກສຶກສາທິການ ແລະ ກິລາແຂວງ ລົງຢ້ຽມຢາມ ພົບປະພະນັກງານຄູ-ອາຈານ ທີ່ໂຮງຮຽນມັດທະຍົມຕອນຕົ້ນ ວົງໄຊ
ໃນວັນທີ 5 ພຶດສະພາ 2026 ນີ້, ທ່ານ ບຸນເສັງ ພິລາວັນ ຮອງຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ ພ້ອມດ້ວຍຄະນະໄດ້ລົງເຄື່ອນໄຫວຢ້ຽມຢາມ ພົບປະພະນັກງານຄູ-ອາຈານ ທີ່ໂຮງຮຽນມັດທະຍົມຕອນຕົ້ນວົງໄຊ ເມືອງງອຍ ໂດຍການຕ້ອນຮັບຂອງທ່ານ ສອນ ອາໄພສະຫວັດ ຫົວໜ້າຫ້ອງການສຶກສາທິການ ແລະ ກິລາເມືອງງອຍ, ມີຄະນະອໍານວຍການໂຮງຮຽນ ພ້ອມດ້ວຍພະນັກງານຄູ-ອາຈານເຂົ້າຮ່ວມ. ທ່ານ ນາງ ຄຳແພງ ຜະລິດສະວົງ ຜູ້ອຳນວຍການໂຮງຮຽນມັດທະຍົມຕອນຕົ້ນວົງໄຊ ໄດ້ລາຍງານສະພາບລວມຂອງໂຮງຮຽນວ່າ: ໂຮງຮຽນມັດທະຍົມຕອນຕົ້ນວົງໄຊ ແມ່ນມີຈຳນວນນັກຮຽນມາຈາກ 12 ກຸ່ມບ້ານທີ່ມາເຂົ້າບໍລິການ, ໃນສົກຮຽນ 2025-2026 ທົ່ວໂຮງຮຽນ ມີພະນັກງານຄູ-ອາຈານທັງໝົດ 15 ທ່ານ, ຍິງ 7 ທ່ານ, ມີທັງຮຽນທັງໝົດ 334 ນ້ອງ, ຍິງ 155 ນ້ອງ. ໂອກາດນີ້, ທ່ານ ບຸນເສັງ ພິລາວັນ ໄດ້ໃຫ້ກຽດມີຄຳເຫັນໂອ້ລົມ ເຊີ່ງທ່ານໄດ້ເນັ້ນໜັກຫຼາຍບັນຫາເປັນຕົ້ນໃຫ້ຄະນະອຳນວຍການໂຮງຮຽນຈົ່ງໄດ້ກຳແໜ້ນບັນດາໜ້າວຽກຂອງຜູ້ບໍລິຫານການສຶກສາ ແລະ […]
