ຂະແໜງວິທະຍາສາດ,ອາຊີວະສຶກສາ ແລະ ການສຶກສາຊັ້ນສູງ

ໜ້າທີ່ຂອງໜ່ວຍງານ

1. ຄົ້ນຄວ້າ, ຜັນຂະຫຍາຍ ແລະ ປັບປຸງນິຕິກຳກ່ຽວກັບວຽກງານຂອງຂະແໜງວິທະຍາສາດ, ອາຊີວະສຶກສາ ແລະ ການສຶກສາຊັ້ນສູງໃຫ້ສອດຄ່ອງກັບກົດໝາຍ ແລະ ລະບຽບການ ແລະ ແທດເໝາະກັບສະພາບຕົວຈິງຂອງແຕ່ລະໄລຍະ;
2. ເປັນເສນາທິການໃຫ້ພະແນກສຶກສາທິການ ແລະ ກິລາແຂວງ ໃນການຂຶ້ນແຜນປັບປຸງ ແລະ ຂະຫຍາຍການສຶກສາສາຍອາຊີວະສຶກສາ ແລະ ການສຶກສາຊັ້ນສູງທັງພາກລັດ ແລະ ເອກະຊົນໃນແຂວງ, ໃຫ້ສອດຄ່ອງກັບນະໂຍບາຍການປະຕິຮູບລະບົບການສຶກສາແຫ່ງຊາດ ແລະ ແຜນພັດທະນາການສຶກສາ ແລະ ກິລາ;
3. ຄຸ້ມຄອງ ແລະ ຊຸກຍູ້ສົ່ງເສີມວຽກງານວິທະຍາສາດ, ນະວັດຕະກຳ ແລະ ສະຖານການສຶກສາສາຍອາຊີວະສຶກສາ ແລະ ການສຶກສາຊັ້ນສູງທັງພາກລັດ ແລະ ເອກະຊົນພາຍໃນແຂວງ, ໃຫ້ສອດຄ່ອງແຜນພັດທະນາການສຶກສາວິທະຍາສາດ ແລະ ກິລາ;
4. ຄຸ້ມຄອງ, ສ້າງ ແລະ ນຳສະເໜີແຜນງົບປະມານການລົງທຶນຂອງລັດສຳລັບການຄົ້ນຄວ້າ ແລະ ພັດທະນາວິທະຍາສາດ ແລະ ນະວັດຕະກຳພາບໃນແຂວງຂອງຕົນ;
5. ໝູນໃຊ້ໃຫ້ແທດເໝາະກັບສະພາບຕົວຈິງຂອງການພັດທະນາເສດຖະກິດ-ສັງຄົມຂອງແຂວງ;
6. ຊຸກຍູ້ໃຫ້ມີການຄົ້ນຄວ້າດ້ານວິທະຍາສາດ ແລະ ນະວັດຕະກຳຢູ່ຂະແໜງການ, ສະຖາບັນຄົ້ນຄວ້າ ແລະ ພາກສ່ວນທຸລະກິດຕ່າງໆ;
7. ຖ່າຍຖອດ, ການນຳໃຊ້, ການປະດິດສ້າງ ແລະ ການໝູນໃຊ້ວິທະຍາສາດ ແລະ ນະວັດຕະກຳພາຍໃນແຂວງ;
8. ຈັດຝຶກອົບຮົມ ແລະ ຍົກລະດັບວິຊາການກ່ຽວກັບວຽກງານວິທະຍາສາດຂັ້ຂະແໜງການຂອງຕົນ ແລະ ຂັ້ນເມືອງ;
9. ສຶກສາ, ພັດທະນາ, ສ້າງຈິດສຳນຶກໃນການອະນຸລັກລະບົບນິເວດວິທະຍາ, ສ້າງສູນການຮຽນດ້ານວິທະຍາສາດ ແລະ ພູມປັນຍາທ້ອງຖິ່ນ;
10. ຊຸກຍູ້, ສົ່ງເສີມ ແລະ ຮ່ວມມືກັບພາກສ່ວນທຸລະກິດໃນການສ້າງສວນນິເວດ ຫຼື ສວນພຶກສາສາດເພື່ອອະນຸລັກລະບົບນິເວດ, ຊີວະນາໆພັນຄຽງຄູ່ກັບການພັດທະນາເປັນແຫຼ່ງທ່ອງທ່ຽວທຳມະຊາດຕາມທິດພັດທະນາສີຂຽວ ແລະ ຍືນຍົງ;
11. ຄຸ້ມຄອງ ແລະ ສ້າງຖານເກັບກຳຂໍ້ມູນສະຖິຕິການສຶກສາສາຍອາຊີວະສຶກສາ ແລະ ການສຶກສາຊັ້ນສູງທັງພາກລັດ ແລະ ເອກະຊົນພາຍໃນແຂວງ;
12. ຄົ້ນຄວ້າ ແລະ ຄັດເລືອກເອົານັກຮຽນຈົບຊັ້ນມັດທະຍົມສຶກສາເຂົ້າຮຽນໃນສາຍອາຊີວະສຶກສາ ແລະ ການສຶກສາຊັ້ນສູງທັງພາຍໃນ ແລະ ຕ່າງປະເທດ;
13. ຊີ້ນຳການຈັດຕັ້ງສອບເສັງຈົບສາຍອາຊີວະສຶກສາ ແລະ ການສຶກສາຊັ້ນສູງທັງພາກລັດ ແລະ ເອກະຊົນ;
14. ຊີ້ນຳ ແລະ ຕິດຕາມການລົງຝຶກງານຂອງນັກຮຽນ-ນັກສຶກສາໃນສາຍອາຊີວະສຶກສາ ແລະ ການສຶກສາຊັ້ນສູງ;
15. ຄຸ້ມຄອງການຂຶ້ນທະບຽນປະກາສະນິຍະບັດສາຍອາຊີວະສຶກສາ ແລະ ການສຶກສາຊັ້ນສູງທີ່ຂື້ນກັບການຄຸ້ມຄອງຂອງຕົນ;
16. ຊີ້ນຳ, ຕິດຕາມ ແລະ ກວດກາການຈັດຕັ້ງປະຕິບັດຫຼັກສູດການຮຽນການສອນສາຍສາມັນວິຊາຊີບໃຫ້ສອດຄ່ອງກັບຈຸດພິເສດຕາມແຜນພັດທະນາຂອງແຂວງ;
17. ສະຫຼຸບ ແລະ ລາຍງານຜົນການຮຽນ-ການສອນ, ຜົນການສອບເສັງປະຈຳພາກຮຽນ, ປີຮຽນ ແລະ ຈົບຊັ້ນສາຍອາຊີວະສຶກສາ ແລະ ການສຶກສາຊັ້ນສູງ;
18. ຕິດຕາມ, ກວດກາ, ປະເມີນຜົນ ແລະ ສະຫຼຸບ, ລາຍງານການຈັດຕັ້ງປະຕິບັດວຽກງານຕ່າງໆ ພາຍໃນຂະແໜງເປັນປົກກະຕິ;
19. ປະຕິບັດວຽກງານອື່ນໆຕາມການມອບໝາຍ;