ຂະແໜງການສຶກສານອກໂຮງຮຽນ ແລະ ຝຶກອົບຮົມວິຊາຊີບຂັ້ນພື້ນຖານ.

ໜ້າທີ່ຂອງຂະແໜງ

1. ຄົ້ນຄວ້າ, ຜັນຂະຫຍາຍ, ສ້າງ ແລະ ປັບປຸງນິຕິກຳກ່ຽວກັບວຽກງານຂອງຂະແໜງການສຶກສານອກໂຮງຮຽນ ແລະ ຝຶກອົບຮົມວິຊາຊີບຂັ້ນພື້ນຖານໃຫ້ສອດຄ່ອງກັບກົດໝາຍ ແລະ ລະບຽບການ ແລະ ແທດເໝາະກັບສະພາບຕົວຈິງຂອງແຕ່ລະໄລຍະ;
2. ຄົ້ນຄວ້າ ແລະ ວາງແຜນການລົບລ້າງຄວາມບໍ້ຮູ້ໜັງສື, ຍົກລະດັບການສຶກສາ ແລະ ຝຶກອົບຮົມວິຊາຊີບຂັ້ນພື້ນຖານ;
3. ຮັບຜິດຊອບວຽກງານລົບລ້າງຄວາມບໍ່ຮູ້ໜັງສື, ຍົກລະດັບຊັ້ນປະຖົມ ແລະ ມັດທະຍົມສຶກສາ ແລະ ຝຶກອົບຮົມວິຊາຊີບຂັ້ນພື້ນຖານພາຍໃນແຂວງ;
4. ຄຸ້ມຄອງ ແລະ ອອກໃບປະກາສະນິຍະບັດຈົບຊັ້ນມັດທະຍົມຕອນຕົ້ນບຳລຸງ;
5. ຊີ້ນຳການຈັດຕັ້ງການຮຽນ-ການສອນ, ການປະຕິບັດເນື້ອໃນຫຼັກສູດ, ການສອບເສັງການລົບລ້າງຄວາມບໍ່ຮູ້ໜັງສື, ຍົກລະດັບການສຶກສາ ແລະ ຝຶກອົບຮົມວິຊາຊີບຂັ້ນພື້ນຖານ;
6. ຄັດເລືອກ ແລະ ຄຸ້ມຄອງຄູການສຶກສານອກໂຮງຮຽນ ແລະ ຄູຝຶກວິຊາຊີບໃນສາຂາຕ່າງໆ;
7. ຄຸ້ມຄອງ ແລະ ຊີ້ນຳ ສູນບຳລຸງຍົກລະດັບການສຶກສາ, ສູນການສຶກສານອກໂຮງຮຽນ, ການສຶກສາທາງໄກ ແລະ ການນຳໃຊ້ເຕັກໂນໂລຊີເພື່ອການສຶກສາ;
8. ຕິດຕາມ, ກວດກາ, ປະເມີນຜົນ ແລະ ສະຫຼຸບລາຍງານການຈັດຕັ້ງປະຕິບັດວຽກງານຕ່າງໆພາຍໃນຂະແໜງເປັນປົກກະຕິ;
9. ປະຕິບັດໜ້າທີ່ອື່ນຕາມການມອບໝາຍ;