ຂະແໜງບໍລິຫານ ແລະ ການເງີນ – ພະແນກສຶກສາທິການ ແລະ ກິລາແຂວງ ຫຼວງພະບາງ

ຄົ້ນຄວ້າ, ຜັນຂະຫຍາຍ ສ້າງ ແລະ ປັບປຸງນິຕິກຳກ່ຽວກັບວຽກງານຂອງຂະແໜງບໍລິຫານ ແລະ ການເງີນໃຫ້ສອດຄ່ອງກັບກົດໝາຍ, ລະບຽບການ ແລະ ແທດເໝາະກັບສະພາບຕົວຈິງຂອງແຕ່ລະໄລຍະ,
ສັງລວມ ແລະ ສະເໜີແຜນພັດທະນາການສຶກສາ ແລະ ກິລາຂອງພະແນກ;
ຮັບຜິດຊອບວຽກງານການກໍ່ສ້າງ ແລະ ສ້ອມແປງອາຄານສະຖານທີ່ພາຍໃນພະແນກ;
ຄຸ້ມຄອງເອກະສານທາງລັດຖະການ, ວຽກງານປະຊາສຳພັນ ແລະ ໂຄສະນາເຜີຍແຜ່ຂໍ້ມູນຂ່າວສານການສຶກສາ ແລະ ກິລາ;
ຮັບຜິດຊອບວຽກງານບໍລິຫານ ແລະ ບໍລິການຫ້ອງການຂອງພະແນກ;
ສ້າງ ແລະ ສັງລວມແຜນການຄາດຄະເນລາຍຮັບ-ລາຍຈ່າຍງົບປະມານພາຍໃນແຂວງ;
ປະຕິບັດການໃຊ້ຈ່າຍງົບປະມານຕາມລະບຽບການ, ບັນທຶກທຸກການເຄື່ອນໄຫວບັນຊີ, ກວດກາຄວາມຖືກຕ້ອງທຸກກິດຈະກຳ ກ່ອນການສະເໜີຂໍອະນຸມັດຈາກຫົວໜ້າພະແນກສຶກສາທິການ ແລະ ກິລາແຂວງ;
ຄຸ້ມຄອງການໃຊ້ຈ່າຍ ແລະ ສະຫຼຸບສັງລວມລາຍງານງົບປະມານລັດ, ທຶນຊ່ວຍເຫຼືອ, ທຶນກູ້ຢືມ ແລະ ກອງທຶນສະຫວັດດີການຄູແຫ່ງຊາດ ປະຈຳເດືອນ, ງວດ ແລະ ປະຈຳປີໃຫ້ຫົວໜ້າພະແນກສຶກສາທິການ ແລະ ກິລາແຂວງ ແລະ ກົມການເງີນໄດ້ຮັບຊາບຕາມກຳນົດເວລາ;
ຄຸ້ມຄອງ, ຕິດຕາມ ແລະ ກວດກາການຈັດຕັ້ງປະຕິບັດກິດຈະກຳພາຍໃນພະແນກສຶກສາທິການ ແລະ ກິລາແຂວງ, ຫ້ອງການສຶກສາທິການ ແລະ ກິລາເມືອງ, ເທດສະບານ, ນະຄອນ ແລະ ໂຮງຮຽນທີ່ຂື້ນກັບໃຫ້ຖືກຕ້ອງຕາມກົດໝາຍ ແລະ ລະບຽບການທີ່ໄດ້ກຳນົດ;
ພົວພັນ, ປະສານງານການຂໍເບິກຈ່າຍງົບປະມານຈາກພະແນກການເງີນແຂວງ ແລະ ພາກສ່ວນອື່ນໆ ທີ່ກ່ຽວຂ້ອງຕາມການມອບໝາຍຂອງຫົວໜ້າພະແນກສຶກສາທິການ ແລະ ກິລາແຂວງ;
ຄຸ້ມຄອງ, ກວດກາ ແລະ ຕິດຕາມການຈັດຕັ້ງປະຕິບັດວຽກງານການກໍ່ສ້າງ-ສ້ອມແປງພາຍໃນແຂວງ, ຕາມການມອບໝາຍ;
ດຳເນີນການປິດບັນຊີງົບປະມານປະຈຳປີ ແລະ ສະຫຼຸບຂາດຕົວງົບປະມານພາຍໃນແຂວງ, ຕາມກຳນົດເວລາແລ້ວລາຍງານໃຫ້ຂັ້ນເທິງຖັດຕົນໄດ້ຮັບຊາບ;
ຄຸ້ມຄອງບັນຊີຊັບສີນ, ອຸປະກອນ ແລະ ສື່ການຮຽນ-ການສອນທົ່ວແຂວງຕາມລະບຽບການ ແລະ ລາຍງານໃຫ້ຂັ້ນເທິງຖັດຕົນໄດ້ຮັບຊາບ;
ຊ່ວຍເຫຼືອແນະນຳທາງດ້ານວິຊາການຕ່າງໆເຊັ່ນ: ງົບປະມານ, ການບັນຊີ, ການສະຫຼຸບລາຍງານ, ການກວດກາການໃຊ້ຈ່າຍການເງີນ, ການຄຸ້ມຄອງຊັບສິນ ແລະ ການກໍ່ສ້າງ-ສ້ອມແປງໃຫ້ທຸກພາກສ່ວນທີ່ຂື້ນກັບພາຍໃນແຂວງ;
ຕິດຕາມ, ກວດກາ, ກະເມີນຜົນ ແລະ ສະຫຼຸບລາຍງານການຈັດຕັ້ງປະຕິບັດວຽກງານຕ່າງໆພາຍໃນຂະແໜງເປັນປົກກະຕິ;
ປະຕິບັດວຽກງານອື່ນໆຕາມການມອບໝາຍຂອງຫົວໜ້າພະແນກ;