ຂະແໜງຈັດຕັ້ງພະນັກງານ ແລະ ພັດທະນາຄູ – ພະແນກສຶກສາທິການ ແລະ ກິລາແຂວງ ຫຼວງພະບາງ

ໜ້າທີ່ຂອງຂະແໜງ

ຄົ້ນຄວ້າ,ຜັນຂະຫຍາຍ, ສ້າງ ແລະ ປັບປຸງນິຕິກຳກ່ຽວກັບວຽກງານຂອງຂະແໜງຈັດຕັ້ງ ແລະ ພະນັກງານໃຫ້ສອດຄ່ອງກັບກົດໝາຍ, ລະບຽບການ ແລະ ແທດເໝາະກັບສະພາບຕົວຈິງຂອງແຕ່ລະໄລຍະ;
ຈັດຕັ້ງເຜີຍແຜ່ມະຕິ, ຂໍ້ກຳນົດ, ລະບຽບຫຼັກການ ແລະ ນິຕິກຳຕ່າງໆຕາມການມອບໝາຍຂອງຫົວໜ້າພະແນກສຶກສາທິການ ແລະ ກິລາແຂວງ;
ວາງແຜນພັດທະນາວຽກງານຕ່າງໆຂອງຂະແໜງ;
ສັງລວມແຜນຄວາມຕ້ອງການ, ແຜນຝຶກອົບຮົມ, ຍົກລະດັບ ແລະ ພັດທະນາພະນັກງານລັດຖະກອນສຶກສາ ແລະ ກິລາ ພາຍໃນແຂວງ;
ຄົ້ນຄວາ ແລະ ນຳສະເໜີການປັບປຸງກົງຈັກການຈັດຕັ້ງ ແລະ ກຳນົດຕຳແໜ່ງງານພາຍໃນແຂວງ;
ຄົ້ນຄວ້າ ແລະ ນຳສະເໜີການປະຕິບັດນະໂຍບາຍສະຫວັດດີການ, ການບັນຈຸ, ສັບຊ້ອນ, ຍົກຍ້າຍ, ແຕ່ງຕັ້ງປົດຕຳແໜ່ງ, ເລື່ອນຊັ້ນ-ຂັ້ນເງີນເດືອນ, ບຳເນັດດ ບຳນານ, ລາພັກດ ເສຍຊີວິດ, ຍ້ອງຍໍ ແລະ ປະຕິບັດວິໄນໃຫ້ພະນັກງານ-ລັດຖະກອນພາຍໃນແຂວງ;
ຄຸ້ມຄອງກອງທຶນ, ສະຫວັດດີການແຫ່ງຊາດພາຍໃນແຂວງ;
ຮັບຜິດຊອບວຽກງານກໍ່ສ້າງພັກ ແລະ ວຽກງານອົງການຈັດຕັ້ງມະຫາຊົນພາຍໃນແຂວງ;
ຄົ້ນຄວ້າ ແລະ ນຳສະເໜີຄັດເລືອກຕຳແໜ່ງວິຊາການຄູ, ນາມມະຍົດຄູໂດຍສົມທົບກັບຂະແໜງການສຶກສາກ່ອນໄວຮຽນ ແລະ ສາມັນສຶກສາ;
ຄຸ້ມຄອງພະນັກງານ-ລັດຖະກອນສຶກສາ ແລະ ກິລາຕາມລະບຽບການ;
ຄຸ້ມຄອງຖານຂໍ້ມູນ ແລະ ສຳນວນເອກະສານລັດຖະກອນສຶກສາ ແລະ ກິລາ ພາຍໃນແຂວງ;
ສ້າງແຜນ, ຝຶກອົບຮົມ, ບຳລຸງ ແລະ ຍົກລະດັບຄູໃນໄລຍະສັ້ນແຕ່ລະປະເພດທັງໃນ ແລະ ນອກໂຮງຮຽນລວມທັງສຶກສານິເທດພາຍໃນແຂວງ, ໂດຍປະສານສົບທົບກັບພາກສ່ວນທີ່ກ່ຽວຂ້ອງ;
ຄຸ້ມຄອງ ແລະ ຊີ້ນຳສູນພັດທະນາຄູພາຍໃນແຂວງ;
ຕິດຕາມ, ກວດກາ, ປະເມີນຜົນ ແລະ ສະຫຼຸບລາຍງານການຈັດຕັ້ງປະຕິບັດວຽກງານຕ່າງໆພາຍໃນຂະແໜງເປັນປົກກະຕິ
ວິໄຈຂໍ້ມູນ, ວາງແຜນການພັດທະນາຄູໃຫ້ສອດຄ່ອງກັບການວາງແຜນພັດທະນາການສຶກສາພາຍໃນແຂວງ;
ຄົ້ນຄວ້າ, ຜັນຂະຫຍາຍສ້າງ ແລະ ປັບປຸງນິຕິກຳກ່ຽວກັບວຽກງານພັດທະນາຄູໃຫ້ສອດຄ່ອງກັບກົດໝາຍ ແລະ ລະບຽບການ ແລະ ແທດເໝາະກັບສະພາບຕົວຈິງໃນແຕ່ລະໄລຍະ;
ປະຕິບັດໜ້າທີ່ອື່ນຕາມການມອບໝາຍ;