ຂະແໜງການສຶກສາກ່ອນໄວຮຽນ

ໜ້າທີ່ຂອງຂະແໜງ:

1. ຄົ້ນຄວ້າ, ຜັນຂະຫຍາຍ, ສ້າງ ແລະ ປັບປຸງນິຕິກຳກ່ຽວກັບວຽກງານຂະແໜງການສຶກສາກ່ອນໄວຮຽນໃຫ້ສອດຄ່ອງກັບກົດໝາຍ, ລະບຽບການ ແລະ ແທດເໝາະກັບສະພາບຕົວຈິງຂອງແຕ່ລະໄລຍະ;
2. ເປັນເສນາທິການໃຫ້ພະແນກສຶກສາທິການ ແລະ ກິລາແຂວງ, ໃນການຂຶ້ນແຜນປັບປຸງ ແລະ ຂະຫຍາຍການສຶກສາກ່ອນໄວຮຽນພາຍໃນແຂວງໃຫ້ສອດຄ່ອງກັບນະໂຍບາຍປະຕິຮູບລະບົບການສືກສາແຫ່ງຊາດ ແລະ ແຜນພັດທະນາການສຶກສາ ແລະ ກິລາ ໃນແຕ່ລະໄລຍະ;
3. ຊີ້ນຳ ແລະ ຕິດຕາມການສ້າງໂຮງຮຽນຕົວແບບສຳລັບການສຶກສາກ່ອນໄວຮຽນພາຍໃນແຂວງ;
4. ຊີ້ນຳ, ຕິດຕາມ ແລະ ກວດກາການຈັດຕັ້ງປະຕິບັດຫຼັກສູດການຮຽນ-ການສອນໃຫ້ຄົບຖ້ວນຕາມທີ່ໄດ້ກຳນົດໄວ້ໃນຫຼັກສູດແຫ່ງຊາດ;
5. ຊີ້ນຳ ແລະ ຕິດຕາມການນິເທດການຮຽນ-ການສອນໃນຖານການສຶກສາກ່ອນໄວຮຽນ;
6. ຄົ້ນຄວ້າຕຳແໜ່ງວິຊາການຄູສຳລັບຄູສອນຊັ້ນການສຶກສາກ່ອນໄວຮຽນ;
7. ຄຸ້ມຄອງ ແລະຊຸກຍູ້ສົ່ງເສີມສະຖານການສຶກສາກ່ອນໄວຮຽນທັງພາກລັດ ແລະ ເອກະຊົນ;
8. ຄຸ້ມຄອງ ແລະ ສ້າງຖານເກັບກຳຂໍ້ມູນການສຶກສາກ່ອນໄວຮຽນ;
9. ຈັດຕັ້ງການປະເມີນຜົນການຮຽນ-ການສອນແຕ່ລະພາກຮຽນ, ປະຈຳປີທັງພາກລັດ ແລະ ເອກະຊົນ;
10. ຄົ້ນຄ້ວາ ແລະ ຄັດເລືອກຕຳແໜ່ງວິຊາການຄູໂດຍສົມທົບກັບຂະແໜງການສຶກສາກ່ອນໄວຮຽນ;
11. ຕິດຕາມ, ກວດກາ, ປະເມີນຜົນ ແລະ ສະຫຼຸບລາຍງານການຈັດຕັ້ງປະຕິບັດວຽກງານຕ່າງໆ ພາຍໃນຂະແໜງເປັນປົກກະຕິ;
12. ຮັບຜິດຊອບວຽກງານອື່ນຕາມການມອບໝາຍ;