ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

117058
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
207
312
767
112932
9478
14217
117058
Your IP: 54.198.147.221
2017-07-25 12:53

ມີ 45  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ເມືອງງອຍເປັນເຈົ້າພາບຈັດການແຂ່ງຂັນກິລາເຂດ 1 ຄັ້ງທີ່ 3 icon new

        ວັນທີ່ 7 ມີນາ 2017 ນີ້ ເມືອງງອຍໄດ້ເປັນເຈົ້າພາບ ຈັດການແຂ່ງຂັນກິລາເຂດ 1 ໃນ 4 ເມືອງເໜືອຂອງແຂວງຫຼວງພະບາງຂື້ນ ໂດຍມີເຈົ້າເມືອງ, ຮອງເຈົ້າເມືອງ, ພ້ອມດ້ວຍ ຮອງຫົວໜ້າພະແນກສືກສາທິການ ແລະ ກິລາແຂວງ, ຄະນະນຳນັກກິລາ ຕະຫຼອດຮອດນັກກິລາຂອງ 4 ເມືອງຄື: ເມືອງໂພນທອງ, ເມືອງວຽງຄຳ, ເມືອງນ້ຳບາກ ແລະ ເມືອງງອຍ ຕະຫຼອດຮອດນັກຮຽນ ແລະ ປະຊາຊົນເມືອງງອຍເຂົ້າຮ່ວມ. ພິທີ

ເລີ້ມຕົ້ນດ້ວຍ ຂະບວນສວນສະໜາມຂອງແຕ່ລະກ້ອນກຳລັງ ເຄື່ອນເຂົ້າສູ່ສະໜາມ ຈາກນັ້ນ ທ່ານ ກີ່ງແຂວງ ບຸບຜາປັນຍາ ຫົວໜ້າຫ້ອງການສືກສາທິການ ແລະ ກິລາເມືອງ ຄະນະຮັບຜິດຊອບຈັດການແຂ່ງຂັນ ໄດ້ຂື້ນລາຍງານການກະກຽມການແຂ່ງຂັນ ທ່ານກ່າວວ່າ: ການແຂ່ງຂັນໃນຄັ້ງນີ້ ມີ 6 ປະເພດກິລາ ແລະ 13 ລາຍການແຂ່ງຂັນຄື: ບານເຕະ ຍີງ-ຊາຍ, ບານສົ່ງ ຍີງ-ຊາຍ, ກະຕໍ້ ຍີງ-ຊາຍ, ໜ້າເກັກ ຍີງ-ຊາຍ, ແລ່ນ 1.500 ແມັດ ຍີງ-ຊາຍ, ດອກປີກໄກ່ ດຽວ ຍີງ-ຊາຍ ແລະ ດອກປີກໄກ່ ຄູ່ຊາຍ, ຊີງໄຊທັງໝົດ 300 ຫຼຽນ, ມີຄະນະນຳ ແລະ ນັກກິລາເຂົ້າຮ່ວມທັງໝົດ 405 ຄົນ, ຍີງ 140 ຄົນ. ໂດຍນໍາໃຊ້ສະຖານທີ່ແຂ່ງຂັນຢູ່ພາຍໃນເມືອງ.

        ພິທີອັນມີຄວາມໝາຍສຳຄັນນີ້ ທ່ານ ລັດຕະນະໄຊ ຄຳສີດາ ເຈົ້າເມືອງໆງອຍ ປະທານຈັດການແຂ່ງຂັນ ໄດ້ກ່າວໄຂພິທີຢ່າງເປັນທາງການ ທ່ານກ່າວວ່າ ການແຂ່ງຂັນໃນຄັ້ງນີ້ ເປັນການຜູກແໜ້ນຄວາມສາມັກຄີລະຫວ່າງເມືອງ ທັງເປັນການພັດທະນາ ແລະ ຄັດເລືອກເອົານັກກິລາທີ່ເປັນຕົວແທນຂອງແຂວງ ເຂົ້າຮ່ວມແຂ່ງຂັນໃນແຕ່ລະລະດັບ, ພ້ອມນີ້ ທ່ານໄດ້ເນັ້ນໜັກໃຫ້ ກຳມະການຕັດສີນ ຈົ່ງພ້ອມກັນຕັດສີນດ້ວຍຄວາມທ່ຽງທຳ ແລະ ນັກກິລາທຸກຄົນ ຕ້ອງຫຼີ້ນດ້ວຍນ້ຳໃຈນັກກິລາແທ້ ຮູ້ແພ້, ຮູ້ຊະນະ ແລະ ຮູ້ໃຫ້ອາໄພເຊີ່ງກັນ ແລະ ກັນ ເຮັດໃຫ້ການແຂ່ງຂັນຄັ້ງນີ້ ມີຜົນສຳເລັດຕາມຄາດໝາຍຂອງຕົນຕັ້ງໄວ້.

        ຈາກນັ້ນ ຄະນະປະທານພ້ອມດ້ວຍແຂກ ໄດ້ຮ່ວມກັນຕັດແຖບຜ້າ ແລະ ລັ່ນຄ້ອງ 9 ບາດ ເພື່ອໄຂການແຂ່ງຂັນຢ່າງເປັນທາງການ, ພ້ອມນີ້ ເມືອງເຈົ້າພາບ ໄດ້ຈັດການສະແດງສີລະປະວັນນະຄະດີ ຕື່ມອີກ. ງານແຂ່ງຂັນກິລາເຂດ 1 ຄັ້ງທີ່ 3 ໃນ 4 ເມືອງເໜືອຂອງແຂວງຫຼວງພະບາງ ຈະດຳເນີນໄປຈົນເຖີງວັນທີ່ 10 ມີນານີ້ ຈື່ງຈະສໍາເລັດ.

17200390 1265502813533426 428179841 o

17200806 1265502503533457 1198905718 o17237059 1265502363533471 1236933047 o                                                        ໂດຍ: ຈ່ອຍ(ສກຂ ຫຼວງພະບາງ)