ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

158158
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
65
333
2222
152554
7342
8718
158158
Your IP: 54.225.57.89
2017-11-18 08:29

ມີ 9  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ຄະນະຮັບຜິດຊອບນັກກິລາຄົນພິການເພີ່ມທະວີຄວາມອາດສາມາດດ້ານເຕັກນິກ icon new

          ເພື່ອສືບຕໍ່ຜັນຂະຫຍາຍ,ຈັດຕັ້ງປະຕິບັດວິໄສທັດຮອດປີ 2030, ແຜນຍຸດທະສາດຮອດປີ 2025, ແຜນພັດທະນາການສຶກສາແລະກິລາ 5 ປີຄັ້ງທີ 8 (2016-2020) ແລະສືບຕໍ່ຈັດຕັ້ງປະຕິບັດບົດບັນທຶກຄວາມເຂົ້າໃຈລະຫວ່າງກະຊວງສຶກສາທິການແລະກິລາຕາງໜ້າໂດຍກົມກິລາມວນຊົນແລະອົງການຄົນພິການອາຊີເພື່ອພັດທະນາ( ADDP ) ກ່ຽວກັບໂຄງການຮ່ວມມືເພື່ອພັດທະນາກິລາຄົນພິການແລະການສ້າງຄວາມອາດສາມາດໃຫ້ແກ່ຊ່ຽວຊານ,ກຳມະການຕັດສິນ  ແລະຄູເຝິກກິລາ ຄົນພິການໃນສປປລາວຂອງພວກເຮົາແຕ່ນີ້ເຖິງປີ 2021. ເມື່ອຕອນເຊົ້າຂອງວັນທີ 25 ກຸມພາ 2017 ຜ່ານມາທີ່ຫ້ອງປະຊຸມກິລາໃນຮົ່ມນາສ້າງເຫວີຍແຂວງຫຼວງພະບາງໄດ້ຈັດກອງປະຊຸມເຝິກອົບຮົມແຜນພັດທະນາຄວາມອາດສາມາດຄູຝຶກກິລາຄົນພິການ(ຫຼັກສູດເລີ່ມຕົ້ນ) ໂຄງການຮ່ວມມືລະຫວ່າງກົມກິລາມວນຊົນກະຊວງສຶກສາທິການແລະກິລາແລະອົງການຄົນພິການອາຊີ   ເພື່ອພັດທະນາ( ADDP )ໂດຍໂຄງການຊ່ວຍເຫຼືອຂອງອົງການໄຈກ້າ( Jica ). ໂດຍການໃຫ້ກຽດເຂົ້າຮ່ວມຂອງທ່ານສີທາດຈັນທະບູລີຫົວໜ້າກົມກິລາມວນຊົນ,ຫົວໜ້າຄະນະຮັບຜິດຊອບໂຄງການ      ( MOU ) ລະຫວ່າງ MOES ແລະ ADDP, ທ່ານຊາຍສະຫວັນຈັນມານິດຮອງຫົວໜ້າພະແນກສຶກສາທະການແລະກິລາແຂວງຫຼວງພະບາງ, ທ່ານນາງຢູກິນາຄາມູລະຜູ້ຈັດການໂຄງການ ( ADDP ), ມີບັນດາຄູຝຶກ, ທ່ານໝໍແພດກາຍຍະບໍາບັດພ້ອມດ້ວຍພາກສ່ວນກ່ຽວຂ້ອງຂອງບັນດາແຂວງພາກເໜືອເຂົ້າຮ່ວມ.

          ໂອກາດນີ້ທ່ານຊາຍສະຫວັນຈັນມານິດໄດ້ກ່າວສະແດງຄວາມຍິນດີຕ້ອນຮັບອັນອົບອຸ່ນມາຍັງຄະນະຮັບຜິດຊອບກອງປະຊຸມ,ຄະນະວິທະຍາກອນຈາກປະເທດຍີ່ປຸ່ນແລະນັກສຳມະນາກອນທີ່ມາຈາກກະຊວງສຶກສາທິການແລະກິລາແລະມາຈາກ 8 ແຂວງພາກເໜືອພ້ອມທັງກ່າວຄວາມຂອບໃຈມາຍັງຄະນະນຳກະຊວງສຶກສາທິການແລະກິລາເວົ້າລວມ, ເວົ້າສະເພາະຄະນະນຳກົມກິລາມວນຊົນທີ່ໄດ້ໃຫ້ການຊີ້ນຳຢ່າງໃກ້ສິດຕິດແທດ,ພ້ອມດ້ວຍອົງການຄົນພິການອາຊີເພື່ອພັດທະນາ( ADDP ) ແລະອົງການໄຈກາທີ່ໄດ້ໃຫ້ການສະໜັບສະໜູນໃນໂຄງການຝຶກອົບຮົມຄັ້ງນີ້.

          ຄະນະດຽວກັນທ່ານສີທາດຈັນທະບູລີໄດ້ກ່າວໃຫ້ຮູ້ວ່າ: ໂດຍສືບຕໍ່ຜັນຂະຫຍາຍ,ຈັດຕັ້ງປະຕິບັດວິໄສທັດຮອດປີ 2030, ແຜນຍຸດທະສາດຮອດປີ 2025, ແຜນພັດທະນາການສຶກສາແລະກິລາ 5 ປີຄັ້ງທີ 8 (2016-2020) ແລະສືບຕໍ່ຈັດຕັ້ງປະຕິບັດບົດບັນທຶກຄວາມເຂົ້າໃຈລະຫວ່າງກະຊວງສຶກສາທິການແລະກິລາຕາງໜ້າໂດຍກົມກິລາມວນຊົນແລະອົງການຄົນພິການອາຊີເພື່ອພັດທະນາ( ADDP ) ກ່ຽວກັບໂຄງການຮ່ວມມືເພື່ອພັດທະນາກິລາຄົນພິການແລະການສ້າງຄວາມອາດສາມາດໃຫ້ແກ່ຊ່ຽວຊານ,ກຳມະການຕັດສິນ  ແລະຄູເຝິກກິລາຄົນພິການໃນສປປລາວຂອງພວກເຮົາແຕ່ນີ້ເຖິງວັນທີ 30 ມີຖຸນາ(6) 2021, ສະໜັບສະໜູນໂດຍການຮ່ວມມືທາງດ້ານວິຊາການຈາກປະເທດຍີ່ປຸ່ນ,ພາຍໃຕ້ໂຄງ  ການຮ່ວມມືຈາກອົງການໄຈກາ( Jica ) ແລະ  ( ADDP ) ພວກເຮົາຈະພ້ອມກັນຄົ້ນຄ້ວາແລະນຳໄປເຜີຍແຜ່ຂໍ້ກຳນົດ,ກົດລະບຽບ,ກະຕິກາ,ກຳມະການຕັດສິນ,ຄູຝຶກແລະການແບ່ງປະເພດກິລາຄົນພິການມີ 12 ປະເພດກິລາຄືກິລາແລ່ນ-ລານລອຍນ້ຳ, ຍົກນ້ຳໜັກ,ໂກນບານ,ບານບ້ວງລໍເລື່ອນ,ບານເຕະ 5 ຄົນ(ພິການຕາ),ບານເຕະ 7 ຄົນ(ໂປລີໂອ),ດອກປີກໄກ່,     ປິ່ງປ່ອງ,ໝາກເສິກ,ຈານບິນແລະກິລາຕີປຸມເປົ້າອົງການ( ADDP )ໄດ້ເລີ່ມຕົ້ນໃຫ້ການຊ່ວຍເຫຼືອທາງດ້ານກິລາຄົນພິການແຕ່ປີ 2000 ເປັນຕົ້ນມາ, ໄລຍະຜ່ານມາໄດ້ຮ່ວມມືກັບຄະນະບໍລິຫານງານພາລາແລມປິກລາວ(LNP)ສະມາຄົມຄົນພິການລາວ(LDPA)  ໄດ້ມີການກໍ່ສ້າງເດີ່ນຮົ່ມອອກກຳລັງກາຍແລະໄດ້ມີການສົ່ງເສີມປະເພດກິລາບານບ້ວງລໍ້ເລື່ອນ,ໂກນບານແລະຟລາຍດີສ(ກິລາແກວງຈານ)ໃນນະຄອນຫຼວງວຽງຈັນ, ນອກຈາກນັ້ນໄດ້ສົ່ງຄູຝຶກສອນກິລາຄົນພິການຈາກປະເທດຍີ່ປຸ່ນ  ມາຊ່ວຍຝຶກອົບຮົມກ່ຽວກັບວຽກງານກິລາຄົນພິການຢູ່ໃນປະເທດລາວເຮົາ, ມາເຖິງປະຈຸງບັນອົງການ( ADDP )ໄດ້ຮ່ວມມື  ກັບລັດຖະບານລາວຢ່າງແທ້ຈິງແລ້ວແລະໄດ້ເຮັດບົດບັນທຶກຄວາມເຂົ້າໃຈລະຫວ່າງກະຊວງສຶກສາທິການແລະກິລາໂດຍຕາງໜ້າກົມກິລາມວນຊົນຜູ້ຮັບຜິດຊອບກິລາຄົນພິການແຫ່ງສປປລາວທັງເປັນຄະນະກຳມະການໂອແລມປິກແຫ່ງຊາດລາວໄດ້ຮ່ວມມືກັນຈັບມືກັນກັບອົງການຄົນພິການອາຊີ( ADDP )ກ່ຽວກັບໂຄງການຮ່ວມມືເພື່ອພັດທະນາກິລາຄົນພິການແລະສ້າງຄວາມອາດສາມາດໃຫ້ແກ່ຊ່ຽວຊານ,ກຳມະການຕັດສິນແລະຄູຝຶກຄົນພິການໃນສປປລາວເຮົາໃຫ້ມີບົດບາດກ້າວຂະຫຍາຍຕົວຂຶ້ນຢູ່ໃນຊຸມຊົນ,ທ້ອງຖິ່ນຂອງບັນດາແຂວງແລະນະຄອນຫຼວງຜ່ານມາອົງການ( ADDP )ໄດ້ປະກອບສ່ວນດ້ານທຶນຮອນໃນການຈັດງານແຂ່ງຂັນກິລາຄົນພິການທົ່ວປະເທດຄັ້ງທີ 1 ປີ 2011 ທີ່ແຂວງຫຼວງພະບາງ,ມີ 6 ປະເພດກິລາເຂົ້າຮ່ວມ, ຄັ້ງທີ 2 ປີ 2015 ທີ່ແຂວງອຸດົມໄຊມີ 6 ປະເພດກິລາເຂົ້າຮ່ວມແລະຄັ້ງທີ 3 ປີ 2018 ທີ່ຈະຈັດຂື້ນທີ່ແຂວງຊຽງຂວາງແລະມີ 10 ປະເພດກິລາເຂົ້າຮ່ວມ   ແລະສຳລັບໃນປີ 2017 ອົງການ ( ADDP )ຍັງຈະໄດ້ປະກອບສ່ວນທຶນຊ່ວຍກະຊວງສຶກສາທິການແລະກິລາດ້ານອຸປະກອນກິລາແລະທຶນຈຳນວນໜຶ່ງເພື່ອເຂົ້າຮ່ວມງານແຂ່ງຂັນກິລາຄົນພິການອາຊຽນພາລາເກມຄັ້ງທີ IX ປີ 2017 ທີ່ປະເທດມາເລເຊຍ,ໃຫ້ອົງການ( ADDP )ຊ່ວຍພິຈາລະນາຊ່ວຍກະຊວງສຶກສາທິການ  ແລະ  ກິລາຂອງພວກເຮົາກໍ່ຄືການຊ່ວຍເຫຼືອທຶນຮອນໃນການແບ່ງເບົາງົບປະມານລັດຖະບານລາວດ້ານວັດຖຸທຶນຮອນແລະສິ່ງໃດທີ່ພວກເຮົາຍັງຂາດເຂີນແລະຈຳເປັນຈະໄດ້ຂໍຄວາມຊ່ວຍເຫຼືອນຳອົງການອີກເພື່ອໃຫ້ໄດ້ເຂົ້າຮ່ວມການເຄື່ອນໄຫວວຽກງານກິລາຄົນພິການຢູ່ໃນສາກົນ,ສ້າງຈິດໃຈໃຫ້ຄົນພິການບໍ່ໃຫ້ມີພວມດ້ອຍໃນຊີວິດຢູ່ໃນສັງຄົມແລະໃນໂລກ.

          ນອກນີ້ທ່ານຍັງກ່າວອີກວ່າ: ໃນປີ 2018 ທັບນັກກິລາຄົນພິການລາວຈະໄດ້ເຂົ້າຮ່ວມງານແຂ່ງຂັນກິລາເອຊຽນພາລາເກມຄັ້ງທີ X ທີ່ປະເທດອິນໂນເຊຍແລະປີ 2020 ຈະກະຕຸ້ນຊຸກຍູ້ໃຫ້ນັກກິລາຄົນພິການລາວໃຫ້ໄດ້ເຂົ້າຮ່ວມງານກິລາຄົນພິການລະດັບ  IPC (International Para Lympic Games)ຄັ້ງທີ XVI ທີ່ໂຕກຽວປະເທດຍີ່ປຸ່ນ.

          ຈຸດປະສົງຂອງການຝຶກອົບຮົມຄັ້ງນີ້ແມ່ນເພື່ອເສີມສ້າງໃຫ້ຄູຝຶກ, ພ້ອມທັງພັດທະນາຄູຝຶກສ້າງໃຫ້ເປັນຊ່ຽວຊານກິລາ, ກິລາຄົນພິການໃນສປປລາວທັງເປັນການສົ່ງເສີມຄົນພິການໃຫ້ມີຄວາມສາມາດເຂົ້າເຖິງການຫຼີ້ນກິລາຄົນພິການໄດ້ໂດຍງ່າຍ, ທັງນີ້ກໍ່ເພື່ອເປັນການລິເລີ່ມເຮັດເປັນລະບົບໃບຢັ້ງຢືນຄູຝຶກນັກກິລາຄົນພິການແລະເປັນການສົ່ງເສີມການຫຼີ້ນກິລາຂອງຄົນພິການໃຫ້ຫຼາຍຂື້ນຢູ່ໃນສັງຄົມໃນທົ່ວປະເທດຂອງພວກເຮົາແລະສາມາດເຂົ້າຮ່ວມງານແຂ່ງຂັນກິລາຄົນພິການຢູ່ໃນພາກພື້ນແລະສາກົນສຳລັບກອງປະຊຸມຄັ້ງນີ້ແມ່ນຈະໄດ້ດຳເນີນໄປເປັນເວລາ 7 ວັນຈຶ່ງຈະສຳເລັດ.

16936287 1254855844598123 1264499386 o

17016152 1254855901264784 182762622 o

                                                                                      ໂດຍ: ຈ່ອຍ (ສກຂຫຼວງພະບາງ)