ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

091597
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
1128
415
4047
84719
11859
12538
91597
Your IP: 54.196.107.247
2017-05-28 08:33

ມີ 60  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສກຂ ຫຼວງພະບາງຈັດຍ່າງເພື່ອສຸຂະພາບ ຊົມເຊີຍວັນກຳເນີດ ກິລາ-ກາຍະກຳ ແຫ່ງຊາດລາວ ຄົບຮອບ 50 ປີ 

ເພື່ອເປັນການຊົມເຊີຍ ຜົນສຳເລັດ ກອງປະຊຸມ ຜູ້ບໍລິຫານການສຶກສາ ທົ່ວແຂວງຫຼວງພະບາງ ປະຈຳປີ 2016 ແລະ ເປັນການຊົມເຊີຍ 3 ວັນປະຫວັດສາດຄື: ວັນກໍາເນີດ ກິລາ-ກາຍະກຳ ແຫ່ງຊາດຄົບ 50 ປີ, ວັນໂອແລັມປິກລາວ ຄົບຮອບ 38 ປີ ແລະ ວັນໂອແລັມປິກສາກົນ

ຄົບຮອບ 122 ປີ ແລະ ວັນຄ້າຍວັນເກີດ ຂອງທ່ານ ປະທານສຸພານຸວົງ ຜູ້ນຳທີ່ແສນເຄົາລົບ ຮັກຂອງປວງລາວທັງຊາດຄົບຮອບ 107 ປີໃນຕອນເຊົ້າຂອງວັນທີ 12 ກໍລະກົດ 2016 ຜ່ານມາທີ່ຫ້ອງການ ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ຈັດຍ່າງ ເພື່ອສຸຂະພາບ ໂດຍພາຍໃຕ້ການເປັນປະທານຂອງ ທ່ານ ຄຳຫຼ້າ ລຽນປະດິດ ຄະນະປະຈຳພັກ ແຂວງຫົວໜ້າຄະນະໂຄສະນາອົບຮົມ ແຂວງຫຼວງພະບາງ, ທ່ານ ທອງຜິວ ບຸດສະດີທີ່ປຶກສາ ລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ເອິງ ລໍສະຫວັນ ກຳມະການພັກແຂວງ ຫົວໜ້າພະແນກສຶກສາທິການ ແລະ ກິລາແຂວງຫຼວງພະບາງ, ມີບັນດາທ່ານການນຳຂອງແຂວງ, ເມືອງ, ພະແນກການ ແລະ ກົມກອງຕ່າງໆ ຕະຫຼອດຮອດພະນັກງານ, ທະຫານຕຳຫຼອດ, ປະຊາຊົນບັນດາເຜົ່າ, ຄູ-ອາຈານນັກຮຽນ-ນັກສຶກສາເຂົ້າຮ່ວມຢ່າງເປັັນຂະບວນຟົດຟື້ນ.

        ໂອກາດນີ້ ທ່ານ ຄຳຫຼ້າ ລຽນປະດິດ ຄະນະປະຈຳພັກແຂວງຫົວໜ້າຄະນະໂຄສະນາອົບຮົມ ແຂວງຫຼວງພະບາງ ໃຫ້ກຽດຂື້ນຜ່ານ ປະຫວັດຄວາມເປັນມາຂອງວັນດັ່ງກ່າວ, ຈາກນັ້ນບັນດາທ່ານການນຳຂອງແຂວງ, ເມືອງ, ກົມກອງ, ພະນັກງານພ້ອມດ້ວຍປະຊາຊົນບັນດາເຜົ່າ, ຄູ-ອາຈານນັກຮຽນ-ນັກສຶກສາ ກໍ່ໄດ້ພ້ອມກັນຍ່າງຢ່າງເປັນຂະບວນເພື່ອຊົມຊີຍ 3 ວັນປະຫວັດສາດຄື: ວັນກໍາເນີດກິລາ-ກາຍະກຳແຫ່ງຊາດຄົບ 50 ປີ(13 ກໍລະກົດ1966 – 13 ກໍລະກົດ 2016), ວັນໂອແລັມປິກລາວຄົບຮອບ 38 ປີ(25 ທັນວາ 1978 – 25 ທັນວາ 2016) ແລະ ວັນໂອ ແລັມປິກສາກົນຄົບຮອບ 122 ປີ(23 ມິຖຸນາ 1894 – 23 ມິຖຸນາ 2016) ການຍ່າງເພື່ອສຸຂະພາບຄັ້ງນີ້ ແມ່ນເລີ່ມແຕ່ພະແນກສຶກສາ ທິການ ແລະ ກິລາແຂວງຫຼວງພະບາງໄປຕາມເສັ້ນທາງເລກທີ 13 ເໜືອລັດໃສ່ສາມແຍກນາສຳພັນຫາເສັ້ນທາງນາວຽງຄຳ ໃຊ້ໄລຍະທາງ 2,5 ກິໂລແມັດ. ໂອກາດດັ່ງກ່າວທ່ານ ຄຳຫຼ້າ ລຽນປະດິດ ພ້ອມດ້ວຍຂະບວນຍ່າງໄດ້ພ້ອມກັນວາງກະຕ່າດອກໄມ້ ແລະ ຈູດທູບ, ທຽນຕໍ່ໜ້າຮູບປັ້ນ ປະທານສຸພານຸວົງ ຜູ້ນຳທີ່ແສນເຄົາລົບຮັກເພື່ອລະນຶກເຖິງຄວາມບຸນຄຸນ ຄວາມງາມຄວາມດີ ຂອງທ່ານທີ່ໄດ້ເສຍສະຫຼະ ເລືອດເນື້ອເຂົ້າໃນ ການປົດປ່ອຍ ປະເທດຊາດ.