ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

117039
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
188
312
748
112932
9459
14217
117039
Your IP: 54.198.147.221
2017-07-25 12:49

ມີ 28  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສກຂຫຼວງພະບາງສະຫຼຸບຜົນການສອບເສັງນັກຮຽນເກັ່ງສາຍສາມັນທົ່ວແຂວງສົກ 2016-2017 new1

          ພະແນກສຶກສາທິການແລະກິລາແຂວງຫຼວງພະບາງຈັດພິທີສະຫຼຸບຜົນການສອບເສັ່ງນັກຮຽນເກັ່ງສາຍສາມັນກໍ່ຄື: ຊັ້ນປະຖົມ ,ມັດທະຍົມຕົ້ນແລະມັດທະຍົມປາຍທັງພາກລັດແລະເອກະຊົນທົ່ວແຂວງປະຈຳສົກຮຽນ 2016-2017 .ເພື່ອເປັນການທົດສອບຄວາມຮູ້ຄວາມສາມາດຂອງນ້ອງນ້ອຍນັກຮຽນສຶກສາລະບົບສາມັນແລະເປັນການຊຸກຍູ້ສົ່ງເສີມແຜນຍຸດທະສາດການພັດທະນາວຽກງານການສຶກສາແລະກິລາຂອງກະຊວງສຶກສາທິການແລະກິລາກໍ່ຄືປະຕິບັດຕາມແນວທາງນະໂຍບາຍໃໝ່ ຂອງພັກ-ລັດໃນການພັດທະນາຊັບພະຍາກອນມະນຸດພ້ອມທັງເປັນການສົ່ງເສີມຄວາມຮູ້ຂອງຄູ-ອາຈານໃຫ້ມີປະສິດທິພາບແລະປະສິດທິຜົນໂດຍເປັນໄປຕາມ 3 ຫຼັກສະນະ, 5 ຫຼັກມູນການສຶກສາແລະປະຕິບັດ 3 ຂໍ້ແຂ່ງຂັນຂອງກະຊວງສຶກສາທິການແລະກິລາວາງອອກ.

          ພິທີສະຫຼຸບຜົນການສອບເສັງນັກຮຽນເກັ່ງດັ່ງກ່າວໄດ້ໄຂຂື້ນໃນຕອນບ່າຍຂອງວັນທີ 9 ມີນາ 2017 ຜ່ານມາ  ທີ່ພະແນກສຶກສາທິການແລະກິລາແຂວງຫຼວງພະບາງໂດຍພາຍໃຕ້ການເປັນປະທານຂອງທ່ານບົວທອງແພງສະຫວັນປະທານກວດກາພັກ-ລັດແຂວງຫຼວງພະບາງ,ທ່ານເອິງລໍສະຫວັນຫົວໜ້າພະແນກສຶກສາທິການແລະກິລາແຂວງ,ມີຮອງຫົວໜ້າພະແນກສຶກສາ,ຫົວໜ້າ-ຮອງຫົວໜ້າຫ້ອງການສຶກສາທິການແລະກິລາເມືອງ 12 ເມືອງ,ຄູ-ອາຈານ, ນ້ອງນັກຮຽນຕະຫຼອດຮອດພາກສ່ວນກ່ຽວຂ້ອງເຂົ້າຮ່ວມ.

          ໂອກາດນີ້ທ່ານສົມລິດຈັນທະມາລີຮອງຫົວໜ້າພະແນກສຶກສາທິການແລະກິລາແຂວງໄດ້ລາຍງານໃຫ້ຮູ້ວ່າ: ປະຕິບັດຕາມແຜນພັດທະນາການສຶສາສົກຮຽນ2016-2017ຂອງພະແນກສຶກສາທິການແລະກິລາແຂວງຫຼວງພະບາງກໍ່ຄືປະຕິບັດຕາມຄຳສັ່ງແນະນຳຂອງລັດຖະມົນຕີວ່າການກະຊວງສຶກສາທິການແລະກິລາກ່ຽວກັບການປະຕິບັດຫຼັກສູດການຮຽນ-ການສອນ,ການສອບເສັງເລື່ອນຂັ້ນ,ຈົບຊັ້ນປະຖົມ,ມັດທະຍົມຕົ້ນແລະມັດທະຍົມປາຍ, ເພື່ອເປັນການທົດສອບຄວາມຮູ້ຄວາມສາມາດຂອງນ້ອງນ້ອຍນັກຮຽນທີ່ໄດ້ຄົ້ນຄ້ວາຮໍ່າຮຽນແລະຜົນທີ່ໄດ້ຮັບຕົວຈິງໂດຍອີງໃສ່ຕາມແຜນພັດທະນາການສຶກສາຂອງພັກ-ລັດໃຫ້ປະກົດຜົນເປັນຈິງແລະເປັນການຄັດເລືອກເອົານັກຮຽນເກັ່ງລະດັບແຂວງເພື່ອເປັນຕົວແທນເຂົ້າຮ່ວມສອບເສັງນັກຮຽນເກັ່ງລະດັບຊາດໃນທ້າຍເດືອນເມສາ (4) 2017 ທີ່ນະຄອນຫຼວງວຽງຈັນ. ການສະຫຼຸບຜົນການສອບເສັງນັກຮຽນເກັງສາຍສາມັນກໍ່ຄືລັະດັບຂັ້ນປະຖົມ,ມັດທະຍົມຕົ້ນແລະມັດທະຍົມປາຍທັງພາກລັດແລະເອກະຊົນທົ່ວແຂວງສົກຮຽນ 2016-2017ນີ້ພາຍຫຼັງທີ່ໄດ້ຈັດການສອບເສັງເມື່ອວັນທີ 2 ມີນາ(3) 2017 ຜ່ານມາ. ສຳລັບຊັ້ນປະຖົມມີນັກສອບເສັງທັງໝົດ 36 ນ້ອງ, ຍິງ 25 ນ້ອງມາຈາກ 12 ເມືອງເຂົ້າສອບເສັງໃນ 3 ວິຊາຄື: ວິຊາພາສາລາວ, ວິຊາຄະນິດສາດແລະວິຊາໂລກອ້ອມຕົວ, ຊັ້ນມັດທະຍົມຕົ້ນ4 ມີນັກສອບເສັງ 72 ນ້ອງ,ຍິງ 17 ນ້ອງແລະມັດທະຍົມປາຍ7 ມີນັກສອບເສັງ 76 ນ້ອງ,ຍິງ 13 ນ້ອງເຂົ້າສອບເສັງໃນ 4 ວິຊາຄື: ພາສາລາວ-ວັນນະຄະດີ,ຄະນິດສາດ,ຟີຊິກສາດແລະເຄມີສາດ, ຜ່ານການສອບເສັງສາມາດຄັດໄດ້ນັກຮຽນເກັ່ງລະດັບແຂວງຄື: ຊັ້ນປະຖົມວິຊາພາສາລາວອັນດັບທີນາງນິນທິດາສຸລິວົງໂຮງຮຽນປະຖົມສົມບູນປາກງາເມືອງໂພນໄຊ, ວິຊາຄະນິດສາດອັນດັບທີທ້າວລັດຕະນະພອນສິດທິລາດໂຮງຮຽນປະຖົມສົມບູນແສງທິບເມືອງຫຼວງພະບາງ,ວິຊາໂລກອ້ອມຕົວອັນດັບທີ1 ທ້າວຕຸ້ຍວັນນະລົງສາໂຮງຮຽນເດັກກໍ່າພ້າເມືອງຫຼວງພະບາງ, ຊັ້ນມັດທະຍົມຕົ້ນ4 : ວິຊາພາສາລາວ-ວັນນະຄະດີອັນດັບທີ1 ນາງສົມພອນອຸ່ນແກ້ວໂຮງຮຽນມສສັນຕິພາບເມືອງຫຼວງພະບາງ,ວິຊາຄະນິດສາດອັນດັບທີ1 ທ້າວວິໄລໄຊຍະບົວເພັງໂຮງຮຽນມສປ່ອງຄຳເມືອງຫຼວງພະບາງ,ວິຊາຟີຊິກສາດອັນດັບທີ1 ທ້າວຫວາຊົງຈົວຖົວໂຮງຮຽນມສສາມສຸມເມືອງວຽງຄຳ,ວິຊາເຄມີສາດອັນດັບທີ1 ທ້າວຕົ່ວວ່າເນັ່ງຟາໂຮງຮຽນມສບ້ານຈີມເມືອງພູຄູນແລະ  ຊັ້ນມັດທະຍົມປາຍ7 ວິຊາພາສາລາວ-ວັນນະຄະດີອັນດັບທີ1 ນາງຕ່ອຍເຈີຍແຊ່ຈາວໂຮງຮຽນມສສັນຕິພາບ,ວິຊາຄະນິດສາດອັນດັບທີ1 ທ້າວພອນແກ້ວຊົງມີຢາລີຊົງໂຮງຮຽນມສສັນຕິພາບ, ວິຊາຟີຊິກສາດອັນດັບທີ1 ທ້າວຄຳດີາເຈຍຢ່າງໂຮງຮຽນມສສັນຕິພາບແລະວິຊາເຄມີສາດອັນດັບທີ1 ທ້າວປໍທໍ່ຈ່າລີໂຮງຮຽນມສສັນຕິພາບ.

          ຄະນະດຽວກັນທ່ານຊາຍສະຫວັນຈັນມານິດຮອງຫົວໜ້າພະແນກສຶກສາທິການແລະກິລາແຂວງກໍ່ໄດ້ໃຫ້ກຽດລາຍງານການຈັດຕັ້ງປະຕິບັດວຽກງານປອດຢາເສບຕິດໃນໂຮງຮຽນສົກປີ 2011-2016 ວ່າ: ແຂວງຫຼວງພະບາງມີ 12 ເມືອງ,ມີໂຮງຮຽນທັງໝົດ 104 ແຫ່ງ,ມັດທະຍົມຕົ້ນ 57 ແຫ່ງ, ມັດທະຍົມສົມບູນ 47 ແຫ່ງ,ມີນັກຮຽນທັງໝົດ 52.347 ຄົນ,ຍິງ​ 24.245 ຄົນ. ສະເພາະຂົງເຂດການສຶກສາແລະກິລາວຽກງານຕ້ານແລະສະກັດກັ້ນຢາເສບຕິດໃນໂຮງຮຽນແມ່ນ 1 ໃນ 3 ຂໍ້ແຂ່ງຂັນທີ່ກະຊວງສຶກສາທິການແລະກິລາວາງອອກ. ໃນສົກຮຽນ 2011-2012ແຂວງຫຼວງພະບາງຮັບຮອງແລະປະກາດໂຮງຮຽນມັດທະຍົມສຶກສາປອດຢາເສບຕິດໄດ້ຮັບຫຼຽນໄຊແຮງງານຊັ້ນ3 ໃຫ້ໂຮງຮຽນປອດຢາເສບຕິດ 3 ສົກຕິດຕໍ່ກັນຈຳນວນ 21 ໂຮງຮຽນ,ໄດ້ຮັບໂລ້ທີ່ລະນຶກແລະໃບຢັ້ງຢືນໂຮງຮຽນປອດຢາເສບຕິດ 3 ສົກຕິດຕໍ່ກັນຈຳນວນ 21 ໂຮງຮຽນ,ຮັບໃບຍ້ອງຍໍລັດຖະມົນຕີວ່າການກະຊວງສຶກສາທິການແລະກິລາຈຳນວນ 11 ກົມກອງແລະປະເພດບຸກຄົນ 5 ທ່ານ,ໃນສົກ 2014-2015 ໄດ້ຮັບຫຼຽນໄຊແຮງງານຊັ້ນ 3 ໃຫ້ໂຮງຮຽນປອດຢາເສບຕິດ 3 ສົກຕິດຕໍ່ກັນຈຳນວນ 17 ໂຮງຮຽນແລະພະແນກສຶກສາທິການແລະກິລາຈຳນວນ 1 ໜ່ວຍ,ໄດ້ຮັບໃບຢັ້ງຢືນແລະທຸງໂຮງຮຽນປອດຢາເສບຕິດ 3 ສົກຮຽນຕິດຕໍ່ກັນຈຳນວນ 17 ໂຮງຮຽນ, ໄດ້ຮັບໃບຍ້ອງຍໍຂອງທ່ານຫົວໜ້າພະແນກສຶກສາທິການແລະກິລາແຂວງໃຫ້ໂຮງຮຽນປອດຢາເສບຕິດ 2 ສົກຕິດຕໍ່ກັນຈຳນວນ 18 ໂຮງຮຽນ, ໄດ້ຮັບໃບຍ້ອງຍໍຂອງທ່ານຫົວໜ້າພະແນກສຶກສາທິການແລະກິລາແຂວງໃຫ້ໂຮງຮຽນປອດຢາເສບຕິດ 1 ສົກຕິດຕໍ່ກັນຈຳນວນ 24ໂຮງຮຽນ,

          ໃນວັນທີ 9 ມີນາ 2017ໄດ້ມີພິທີມອບຫຼຽນໄຊແຮງານຊັ້ນແລະທຸງໃຫ້ໂຮງຮຽນປອດຢາເສບຕິດ 3 ສົກຮຽນຕິດຕໍ່ກັນຈຳນວນ 19 ໂຮງຮຽນ(2013-2016) ,ມອບຫຼຽນໄຊແຮງານຊັ້ນແລະທຸງໃຫ້ໂຮງຮຽນປອດຢາເສບຕິດ 5 ສົກຮຽນຕິດຕໍ່ກັນ(2011-2016)ໃຫ້ບຸກຄົນດີເດັ່ນຈຳນວນ 3 ທ່ານແລະຜູ້ອຳນວນການໂຮງຮຽນ 19 ທ່ານ.

          ໃນພິທີຍັງໄດ້ມອບໃບຍ້ອງຍໍຊົມເຊີຍແລະຂອງຂັວນລາງວັນໃນແຕ່ລະປະເພດໃຫ້ແກ່ຄະນະຜູ້ບໍລິຫານໂຮງຮຽນ,ບຸກຄົນ,ກົມກອງແລະນ້ອງນັກຮຽນທີ່ສາມາດສອບເສັງໄດ້ຄະແນນດີເພື່ອເປັນການອ້າງອີງຜົນງານແລະສົ່ງເສີມໃຫ້ກຳລັງໃຈນ້ອງນັກຮຽນ,ຄູອາຈານໃນການສືບຕໍ່ການຮຽນ-ການສອນໃນພາກຮຽນທີ 2 ໃຫ້ປະສົມຜົນສຳເລັດ.17195206 1265682083515499 1326758936 o

17176255 1265682213515486 330320748 o