ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

117019
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
168
312
728
112932
9439
14217
117019
Your IP: 54.198.147.221
2017-07-25 12:46

ມີ 8  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສຳເລັດແລ້ວການສ້າງຄວາມເຂັ້ມແຂງຂອງຄູຝຶກກິລາຄົນພິການລາວ 8 ແຂວງພາກເໜືອ.new1

ກອງປະຊຸມຝຶກອົບຮົມໂຄງການພັດທະນາຄວາມອາດສາມາດຂອງຄູຝຶກນັກກິລາຄົນພິການ(ຫຼັກສູດເລີ່ມຕົ້ນ)ທີ່ແຂວງຫຼວງພະບາງເຊິ່ງເລີ່ມແຕ່ວັນທີ 24 ກຸມພາຫາ 02 ມີນາ 2017ເປັນການຮ່ວມມືລະຫວ່າງກົມກິລາມວນຊົນກະຊວງສຶກສາທິການແລະກິລາ - ອົງການຄົນພິການອາຊີເພື່ອພັດທະນາ( ADDP )ແຫ່ງປະເທດຍີ່ປຸ່ນ. ກອງປະຊຸມແມ່ນໄດ້ເຊີນເອົາບັນດາຄູຝຶກຂະແໜງກິລາ-ກາຍະກຳມວນຊົນ,ແພດກາຍຍະບຳບັດປະຈຳແຂວງຈາກພາກສ່ວນພະແນກສຶກສາທິການແລະກິລາແຂວງ( 8 ແຂວງພາກເໜືອ),ນັກກິລາຈາກສະມາຄົມຄົນພິການແຫ່ງຊາດແລະມີຜູ້ເຂົ້າຮ່ວມທັງໝົດ 105 ທ່ານ,ຍິງ 30 ທ່ານ.

          ໂອກາດດັ່ງກ່າວ, ທ່ານພັດທະນາແກ້ວບົວລະພາ  ຫົວໜ້າພະແນກກິລາຄົນພິການກົມກິລາມວນຊົນໄດ້ໃຫ້ກຽດລາຍງານຜົນສຳເລັດກອງປະຊຸມຝຶກອົບຮົມແຜນພັດທະນາຄວາມອາດສາມາດຂອງຄູຝຶກນັກກິລາຄົນພິການ (ຫຼັກສູດເລີ່ມຕົ້ນ)ໃຫ້ຮູ້ວ່າ:ພາຍຫຼັງທີ່ກອງປະຊຸມດັ່ງກ່າວໄດ້ໄຂຂື້ນຢ່າງເປັນທາງການໃນວັນທີ່ 24 ກຸມພາ 2017 - ວັນທີ 2 ມີນາ 2017 ທີ່ເດີ່ນກິລາໃນຮົ່ວນາສ້າງເຫວີຍແຂວງຫຼວງພະບາງພາຍໃຕ້ການເປັນປະທານຂອງທ່ານສີທາດຈັນທະບູລີຫົວໜ້າກົມກິລາມວນຊົນ,ຫົວໜ້າຄະນະຮັບຜິດຊອບໂຄງການ       ( MOU ) ລະຫວ່າງ MOES ແລະ ADDP, ທ່ານຊາຍສະຫວັນຈັນມານິດຮອງຫົວໜ້າພະແນກສຶກສາທະການແລະກິລາແຂວງຫຼວງພະບາງ, ທ່ານນາງຢູກິນາຄາມູລະຜູ້ຈັດການໂຄງການ ( ADDP ), ພ້ອມດ້ວຍບັນດາຄູຝຶກ, ທ່ານໝໍແພດກາຍຍະບໍາບັດ. ໃນກອງປະຊຸມ 7 ວັນດັ່ງກ່າວນີ້ທາງນັກສຳມະນາກອນກໍ່ຄືທາງພະນັກງານຂອງກົມກະຊວງສຶກສາທິການແລະກິລາ,ຂະແໜງກິລາມວນຊົນ,ແພດກາຍຍະບຳບັຈາກ 8 ແຂວງພາກເໜືອແມ່ນໄດ້ຮຽນຮູ້ແລະຮັບຮູ້ເຖິງເນື້ອໃນຂອງກອງປະຊຸມໂດຍເຂົ້າໃຈລະອຽດຍິ່ງຂື້ນກ່ຽວກັບຄວາມສຳຄັນຂອງກິລາຄົນພິການ,ນັກສຳມະນາກອນແມ່ນໄດ້ຮຽນຮູ້ທາງພາກທິດສະດີແລະການປະຕິບັດຕົວຈິງ. ຜ່ານການເຝິກອົບຮົມສາມາດສ້າງໄດ້ຄູຝຶກກິລາ-ກາຍຍະກຳຄົນພິການຂະແໜງກິລາມວນຊົນບັນດາ 8 ແຂວງພາກເໜືອໄດ້ທັງໝົດ 8 ທ່ານ,ຍິງ 2 ທ່ານ,ສ້າງແພດກາຍຍະບຳບັດໄດ້ 8 ທ່ານ,ຍິງ 3 ທ່ານ,ສ້າງຄູຝຶກກິລາ-ກາຍຍະກຳຄົນພິການທີ່ເປັນຄູພາລະສຶກສາມາຈາກໂຮງຮຽນມສສັນຕິພາບ,ມສປະຊາທິປະໄຕ,ມສປ່ອງຄຳລວມທັງໝົດ 3 ທ່ານ,ຍິງ 1 ທ່ານ,ສ້າງຄູຝຶກກິລາ-ກາຍຍະກຳຄົນພິການມາຈາກສະມາຄົມກິລາຄົນພິການແຫ່ງຊາດແຂວງຫຼວງພະບາງໄດ້ 1 ທ່ານ(ເປັນຍິງ) ແລະລວມຈຳນວນຄູຝຶກກິລາຄົນພິການທີ່ສ້າງໄດ້ໃນຄັ້ງນີ້ລວມທັງໝົດ 24 ທ່ານ,ຍິງ 8 ທ່ານແລະມີ 6 ປະເພດກິລາທີ່ໄດ້ຝຶກຄື: ກິລາແລ່ນ-ລານ,ທັກຄິວບ່າເລ(ປິ່ງປ່ອງເທິງໂຕະ),ແກວງຈານ,ຕີໝາກປຸມເປົ້າ,ເຕະບານດ້ວຍມື,ບານບ້ວງລໍ້ເລື່ອນ.

          ຕອນທ້າຍຂອງພິທີ. ທ່ານຊາຍສະຫວັນຈັນມານິດຍັງໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນສໍາເລັດດັ່ງກ່າວທີ່ທາງນັກວິທະຍາກອນ,ສຳມະນາກອນທີ່ໄດ້ປະກອບສ່ວນຢ່າງຕັ້ງໜ້າ,ມີຄວາມເອົາໃຈໃສ່,ມີຄວາມຮັບຜິດຊອບສູງຕໍ່ວຽກງານຈົນເຮັດໃຫ້ປະສົບຜົນສຳເລັດແລະໄດ້ລະດັບຄາດໝາຍທີ່ກົມກິລາມວນຊົນວາງໄວ້, ຍ້ງອງຍໍຊົມເຊີຍແລະສະແດງຄວາມຂອບໃຈຕໍ່ກັບໂຄງການ( ADDP )ກໍ່ຄືຊ່ຽວຊານແລະຄູຝຶກຈາກປະເທດຍີ່ປຸ່ນທີ່ໄດ້ໃຫ້ທຶນສະໜັບສະໜູນ,ໃຫ້ເວລາແລະບົດຮຽນໃນການພັດທະນາກິລາຄົນພິການແກ່ສປປລາວກໍ່ຄື 8ແຂວງພາກເໜືອໃນຄັ້ງນີ້.ທ່ານຍັງກ່າວໃຫ້ຮູ້ອີກວ່າ: ວຽກງານກິລາກາຍຍະກຳຄົນພິການແມ່ນຍຸດທະສາດໜຶ່ງທີ່ນອນຢູ່ໃນເປົ້າໝາຍການພັດທະນາທາງດ້ານຮ່າງກາຍ ,ຈິດໃຈ,ອາລົມແລະສັງຄົມ,ແນ່ໃສ່ສ້າງຄວາມເຂັ້ມແຂງທາງດ້ານຮ່າງກາຍໃຫ້ແກ່ຄົນພິການລາວ ,ເຮັດໃຫ້ຄົນພິການທຸກເພດ,ທຸກໄວໃນສັງຄົມໄດ້ມີການຫັດກາຍຍະບໍລິຫານ,ການອອກກຳລັງກາຍ,ການຫຼີ້ນກິລາແລະເຂົ້າຮ່ວມການແຂ່ງຂັນກິລາຄົນພິການຢູ່ພາຍໃນແລະຕ່າງປະເທດປະກອບສ່ວນຢ່າງຕັ້ງໜ້າເຂົ້າໃນການພັດທະນາກິລາ-ກາຍຍະກຳຄົນພິການລາວ,ສ້າງບຸກຄະລາກອນແຕ່ສູນກາງລົງຮອດທ້ອງຖິ່ນ,ສ້າງກຳມະການຕັດສິນ,ສ້າງຄູຝຶກແລະນັກກິລາຄົນພິການໃຫ້ມີຄວາມຮູ້ຄວາມສາມາດເພື່ອເປັນກຳລັງແຮງໃຫ້ແກ່ການພັດທະນາກິລາ-ກາຍຍະກຳຄົນພິການໃນຂອບເຂດທົ່ວປະເທດໃຫ້ນັບມື້ນັບເຂັ້ມແຂງ. ພ້ອມນີ້ທ່ານຍັງໄດ້ເນັ້ນໜັກໃຫ້ນັກສຳມະນາກອນຈົ່ງພ້ອມກັນເອົາໃຈໃສ່ນຳເອົາບົດຮຽນແລະປະສົບການທີ່ໄດ້ມານຳໄປຈັດຕັ້ງຜັນຂະຫຍາຍຢູ່ໃນທ້ອງຖິ່ນຂອງຕົນໃຫ້ມີຜົນສຳເລັດແລະວາງແຜນການເພື່ອເປັນການພັດທະນາກິລາ-ກາຍຍະກຳຄົນພິການໃນຂອບເຂດທົ່ວປະເທດໄດ້ມີການພັດທະນາທາງດ້ານວິຊາການໃນການວາງແຜນການຝຶກຊ້ອມ,ມີການພັດທະນາທາງດ້ານສະມັດຕະພາບຮ່າງກາຍ,ເຕັກນິກຍຸດທະວິທີຕ່າງໆໃຫ້ນັກກິລາຂອງຕົນມີຄວາມເຂັ້ມແຂງ,ສ້າງໄດ້ນັກກິລາຄົນພິການທີ່ດີເດັ່ນ,ເກັ່ງແລະມີຄຸນນະພາບເປັນຕົວແທນໃຫ້ແຂວງຕົວເອງ,ເປັນຕົວແທນໃຫ້ທິມຊາດລາວເພື່ອກຽມພ້ອມໃນການເຂົ້າຮ່ວມງານແຂ່ງຂັນກິລາອາຊຽນພາຣາເກມຄັ້ງທີ 9 ທີ່ປະເທດມາເລເຊຍໃນເດືອນກັນຍາ 2017.

ໃນກອງປະຊຸມຍັງໄດ້ມອງໃບຢັ້ງຢືນໃຫ້ແກ່ສຳມະນາກອນທີ່ໄດ້ສຳເລັດການຝຶກເປັນຄູຝຶກນັກກິລາຄົນພິການອີກດ້ວຍ.

17193887 1261860267231014 740939247 o

17194058 1261860193897688 41612977 o

                                                                           ໂດຍ: ຈ່ອຍ (ສກຂຫຼວງພະບາງ)