ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

076241
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
423
422
3583
70269
9041
22247
76241
Your IP: 54.166.186.79
2017-04-23 17:44

ມີ 19  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ປະກາດຈົບຊັ້ນມັດທະຍົມຕົ້ນບຳລຸງທົ່ວເມືອງໂພນໄຊຢ່າງເປັນທາງການ new1

ເມືອງໂພນໄຊ  ໄດ້ຈັດພິທີປະກາດຈົບຊັ້ນມັດທະຍົມຕອນຕົ້ນບໍາລຸງເປັນເມືອງທີ 6 ຂອງແຂວງຫຼວງພະບາງແລະເປັນເມືອງທີ  76 ໃນທົ່ວປະເທດຢ່າງເປັນທາງການໃນຕອນເຊົ້າຂອງວັນທີ 24 ກຸມພາຜ່ານມາທີ່ຫ້ອງວ່າການເມືອງໂພນໄຊ. ໂດຍການໃຫ້ກຽດເຂົ້າຮ່ວມຂອງທ່ານຮສປອຄຳຜາຍສີສະຫວັນຮອງລັດຖະມົນຕີກະຊວງສຶກສາທິການແລະກິລາ,ທ່ານສາຍສະໝອນຄົມທະວົງຮອງເຈົ້າແຂວງຫຼວງພະບາງ, ທ່ານສີຈັນລັດສະໝີເຈົ້າເມືອງໂພນໄຊ, ມີທ່ານກ້າສະເຫຼີມສຸກຫົວໜ້າກົມສຶກສານອກ ໂຮງຮຽນກະຊວງສຶກສາທິການແລະກິລາ, ທ່ານເອິງລໍສະຫວັນຫົວໜ້າພະແນກສຶກສາທິການແລະກິລາແຂວງ, ເຈົ້າເມືອງ-ຮອງເຈົ້າເມືອງ, ຫົວໜ້າ-ຮອງຫົວໜ້າຫ້ອງການສຶກສາທິການແລະກິລາເມືອງ,ຫົວໜ້າໜ່ວຍງານສຶກສານອກໂຮງຮຽນ 12 ເມືອງທົ່ວແຂວງພ້ອມດ້ວຍພະນັກງານຄູ-ອາຈານ,ພໍ່-ແມ່ປະຊາຊົນແລະນັກຮຽນ-ນັກສຶກສາເຂົ້າຮ່ວມຢ່າງພ້ອມພຽງ.

          ທ່ານ  ຈັນທົມສຸລິຍະສັກຫົວໜ້າຫ້ອງການສຶກສາທິການແລະກິລາເມືອງໂພນໄຊໄດ້ຜ່ານບົດສະຫຼຸບການຈັດຕັ້ງປະຕິບັດການຮຽນ-ການສອນຍົກລະດັບການສຶກສາຊັ້ນມັດທະຍົມຕອນຕົ້ນບໍາລຸງແລະແຜນພັດທະນາການສຶກສາຂອງເມືອງແຕ່ນີ້ເຖິງປີ 2020 . ເມືອງໂພນໄຊແມ່ນໜື່ງໃນ 4 ເມືອງທີ່ທຸກຍາກຂອງແຂວງຫຼວງພະບາງແລະເປັນເມືອງ 3 ສ້າງຂອງແຂວງເຊິ່ງແບ່ງອອກເປັນ 9 ກຸ່ມພັດທະນາແລະ 1 ບ້ານໃຫຍ່, ມີ 60 ບ້ານ,ໃນນີ້ເປັນບ້ານ 3 ສ້າງຂອງເມືອງ 2ບ້ານ, ທົ່ວເມືອງມີຈຳນວນຄອບຄົວທັງໝົດ 5.496 ຄອບຄົວ,ມີພົນລະເມືອງ 33.693 ຄົນ,ຍິງ  16.870 ຄົນ,ເຜົ່າລາວລຸ່ມມີ 4.180 ຄົນ,ຍິງ 1.989 ຄົນ,ມົ້ງອີ້ວມຽນ 7.661 ຄົນ, ຍິງ 3.870 ຄົນແລະເຜົ່າກຶມມຸມີ 21.852 ຄົນ,ຍິງ 11.012 ຄົນ,ມີເນື້ອທີ່ທັງໝົດ 252.456.747 ເຮັກຕາ,ເຂດພູດອຍກວມເຖິງ 90%, ອາຊີບຕົ້ນຕໍຂອງຂອງປະຊາຊົນສ່ວນໃຫຍ່ເຮັດໄຮ່ປູກເຂົ້າໝູນວຽນ,ເຮັດນາ,ປູກພືດເປັນສິນຄ້າ,ລ້ຽງສັດໃຫຍ່ເຮັດການບໍລິການຄ້າ-ຂາຍຈຳນວນໜຶ່ງ. ການບໍລິການທາງດ້ານການສຶກສາແລະດ້ານສາທາລະນະສຸກຍັງຈຳກັດ,ການຄົມມະນາຄົມຂົນສົ່ງຈາກບ້ານຫາຕົວເມືອງຍັງບໍ່ທັນສະດວກ, ເຮັດໃຫ້ການຂົນສົ່ງສິນຄ້າການໄປມາຫາສູ່ກັນມີຄວາມຫຍຸ້ງຍາກໃນລະດູຝົນ,ຕາໜ່າງໄຟຟ້າ,ລະບົບສື່ສານຍັງບໍ່ທົ່ວເຖິງລາຍຮັບສະເລ່ຍໃສ່ຫົວຄົນໄດ້ 8.224.000 ກີບ/ ຄົນ / ປີ. ປະກາດເປັນບ້ານວັດທະນະທຳໄດ້ 23 ບ້ານ,ເປັນບ້ານປອດຄະດີ 49 ບ້ານ,ບ້ານສາທາລະນະສຸກແບບຢ່າງ 47 ບ້ານ,ບ້ານພັດທະນາ 4 ບ້ານບ້ານແມ່ຍິງ 3 ດີ 39​ ບ້ານແລະປະກາດຈົບຊັ້ນປະຖົມບຳລຸງທົ່ວເມືອງໃນປີ 2010.

ທົ່ວເມືອງມີໂຮງຮຽນອານຸບານ 13 ແຫ່ງ,ມີນັກຮຽນ 761 ຄົນ,ຍິງ352 ຄົນ,ຄູສອນ 35 ຄົນ,ຍິງ 35 ຄົນ,ມີຫ້ອງກຽມ 35 ແຫ່ງ,ມີເດັກນັກຮຽນ 665 ຄົນ,ຍິງ 340 ຄົນ,ມີຄູສອນ 37 ຄົນ,ອັດຕາເຂົ້າຮຽນເກນອາຍຸ 3-5 ປີເທົ່າກັບ  53,01%,ເດັກເກນອາຍຸ 5 ປີເທົ່າກັບ 86,58%, ມີໂຮງຮຽນປະຖົມ 53​ແຫ່ງ,ມູນລະປະຖົມ 7 ແຫ່ງມີນັກຮຽນທັງໝົດ 6.411 ຄົນ,ຍິງ 3.096 ຄົນ,ຄູສອນ 240 ຄົນ,ຍິງ 54 ຄົນ,ອັດຕາເຂົ້າຮຽນລວມ 115,93% ອັດຕາເຂົ້າຮຽນສຸດທິຊັ້ນປະຖົມ 99,89% ອັດຕາປະລະ 1,36%, ມີໂຮງຮຽນມັດທະຍົມຕອນຕົ້ນ 6 ແຫ່ງ,ມີນັກຮຽນທັງໝົດ 3.282 ຄົນ,ຍິງ 1.643 ຄົນ ,ມີຄູສອນທັງໝົດ 158 ຄົນ,ຍິງ 51 ຄົນ, ອັດຕາເຂົ້າຮຽນລວມ 95,06%, ອັດຕາປະລະ 12,85%, ມີມັດທະຍົມປາຍ 3 ແຫ່ງ,ມີນັກຮຽນທັງໝົດ 1,006 ຄົນ,ຍິງ 417 ຄົນ,ຄູສອນ 48 ຄົນ,ຍິງ 14 ຄົນອັດຕາເຂົ້າຮຽນລວມ 39,06%, ອັດຕາປະລະ 5,7% ອັດຕາຄ້າງຫ້ອງ 0,35% ອັດຕາເລື່ນຂັ້ນ-ຈົບຊັ້ນມັດທະຍົມປາຍເທົ່າກັບ 86,35%.   ໃນປີ 2011 ທົ່ເມືອງມີປະຊາກອນເກນອາຍຸ 15-30 ປີທີ່ຍັງບໍ່ຈົບຊັ້ນມັດທະຍົມຕົ້ນບໍາລຸງມີ 2.310 ຄົນ,ຍິງ 1.248 ຄົນ, ສຳລັບການຍົກລະດັບຊັ້ນມັດທະຍົມປາຍແມ່ນເລີ່ມສົກປີ 2014-2015 ໂດຍໄດ້ໝູນໃຊ້ສູນຝຶກອົບຮົມວິຊາຊີບຂັ້ນພື້ນຖານຄຽງຄູ່ກັບການຍົກລະດັບການສຶກສານັ້ນເມືອງຍັງໄດ້ສຸມໃສ່ວຽກງານຝຶກອົບຮົມວິຊາຊີບຂັ້ນພື້ນຖານໃຫ້ຊຸມຊົນເພື່ອສ້າງເປັນອາຊີບເສີມໃຫ້ແກ່ຄອບຄົວແລະເພື່ອພັດທະນາຄຸນນະພາບຊີວິດຂອງເຂົາເຈົ້າດີຂຶ້ນເປັນກ້າວໆນັ້ນທົ່ວເມືອງໄດ້ມີສູນສຶກສາຮຽນຮູ້ຊຸມຊົນ 3 ແຫ່ງໃນນີ້ໄດ້ສ້າງເປັນສູນຕົວແບບ 2 ແຫ່ງຄື: ສູນການສຶກສາຮຽນຮູ້ຊຸມຊົນບ້ານທ່າໂພແລະສູນສຶກສາຮຽນຮູ້ຊຸມຊົນບ້ານຫ້ວຍໂນະ.  

          ໂອກາດດັ່ງກ່າວ, ທ່ານຮສປອຄຳຜາຍສີສະຫວັນໄດ້ກ່າວວ່າ: ມາການຮັບຟັງລາຍງານການຈັດຕັ້ງປະຕິບັດວຽກງງານການສຶກສານອກໂຮງຮຽນໃນໄລຍະຜ່ານມານັ້ນເຫັນວ່າ: ປະຊາຊົນໃນກຸ່ມເປົ້າໝາຍ,ຄູອາຈານ,ພະນັກງານທະຫານຕຳຫຼວດຕ່າງກໍ່ມີຄວາມກະຕືລືລົ້ນແລະຕັ້ງໃຈເຂົ້າໃນການສິດສອນ-ຮໍ່າຮຽນ ,ມີຄວາມຫວັງຕັ້ງໃຈຢາກບໍາລຸງຍົກລະດັບການສຶກສາຂອງຕົນເອງຂື້ນໆໄປເລື້ອຍໆໄປຄຽງຄູ່ກັບການເຂົ້າຮຽນໜັງສືແລ້ວປະຊາຊົນໃນກຸ່ມເປົ້າໝາຍຍັງເຂົ້າຮ່ວມໃນການຝຶກອົບຮົມວິຊາຊີບຂັ້ນພື້ນຖານໃນຫຼາຍສາຂາວິຊາຊີບໄປພ້ອມໆກັບການຈັດຕັ້ງປະຕິບັດຕົວຈິງແລະນຳໃຊ້ເຂົ້າໃນຊີວິດປະຈຳວັນເຮັດໃຫ້ປະຊາຊົນຮູ້ພັດທະນາຕົນເອງ,ຮູ້ຮັກສາສຸຂະອະນາໄມ,ຮູ້ປູກ-ຮູ້ລ້ຽງຕາມຫຼັກວິຊາການ,ຮູ້ຄິດໄລ່ໃນການຊື້-ຂາຍທີ່ສອດຄ່ອງກັບສະພາບຄວາມເປັນຈິງຂອງເມືອງ,ເຮັດໃຫ້ມີລາຍຮັບເພີ່ມຂຶ້ນ,ຊີວິດການເປັນຢູ່ຂອງປະຊາຊົນມີການປ່ຽນແປງດີຂື້ນກວ່າເກົ່າ,ມີຫຼາຍຄອບຄົວໄດ້ພົ້ນຈາກຄວາມທຸກຍາກມີຫຼາຍບ້ານ,ກຸ່ມໄດ້ກາຍເປັນບ້ານພັດທະນາແລ້ວແລະເປັນບ້ານວັດທະນະທຳນັ້ນກໍ່ໝາຍຄວາມວ່າການຮຽນໜັງສືຈື່ງເຮັດໃຫ້ປະຊາຊົນມີຄວາມຮູ້ຄວາມສາມາດຊ່ວຍເຫຼືອແລະປັບປຸງຊີວິດການເປັນຢູ່ຂອງຕົນແລະຄອບຄົວດີຂື້ນ. ພ້ອມດຽວກັນນີ້ກໍ່ໃຫ້ພ້ອມກັນສືບຕໍ່ຊຸກຍູ້ການຮຽນ-ການສອນບຳລຸງຍົກລະດັບໃຫ້ຈົບຊັ້ນມັດທະຍົມປາຍຫຼືສູງໄປກວ່ານັ້ນ.   ນອກຈາກນີ້ໃນພິທີຍັງໄດ້ມອບໃບຢັ້ງຢືນຈົບຊັ້ດມັດທະຍົມຕົ້ນບໍາລຸງທົ່ວເມືອງໃຫ້ແກ່ເມືອງ,ມອບໃບຍ້ອງຍໍຂັ້ນກະຊວງໃຫ້ບັນດາກົມກອງ-ຫ້ອງການ,ຄອບຄົວແລະບຸກຄົນ,ມອບໃບຍ້ອງຍໍຂັ້ນແຂວງໃຫ້ບັນດາກົມກອງ-ຫ້ອງການ, ຄອບຄົວແລະບຸກຄົນ,ຫຼັງຈາກນັ້ນຄະນະນຳໄດ້ເປີດປ້າຍແລະລັນຄ້ອງ 9 ຄັ້ງເພື່ອເປັນສັນຍາລັກໃນການປະກາດຈົບຊັ້ນມັດທະຍົມຕົ້ນບໍາລຸງທົ່ວເມືອງໂພນໄຊຢ່າງເປັນທາງການ.

16936275 1254854574598250 149076261 o

16990197 1254855527931488 34956275 o

16990299 1254855321264842 1157744382 o

16990376 1254854517931589 1179656193 o16990526 1254855597931481 1192631817 o16990615 1254855187931522 1299818754 o
                                                                            
ໂດຍ: ຈ່ອຍ( ສກຂຫຼວງພະບາງ )