ຄົ້ນຫາ

ປ່ຽນພາສາ

Facebook

ສະຖິຕິການເຂົ້າຊົມເວັບໄຊ້

091590
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ທັງໝົດ
1121
415
4040
84719
11852
12538
91590
Your IP: 54.196.107.247
2017-05-28 08:32

ມີ 53  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ໄຂຂື້ນຢ່າງເປັນທາງການສົກຮຽນໃໝ່ 2016-2017 ທົ່ວແຂວງຫຼວງພະບາງ 

ໃນທ່າມກາງບັນຍາກາດທີ່ທົ່ວພັກ, ທົ່ວລັດ, ທົ່ວກອງທັບ ແລະ ທົ່ວປວງຊົນລາວທັງຊາດ ພວມຈັດຕັ້ງຜັນຂະຫຍາຍ ມະຕິກອງປະຊຸມໃຫຍ່ຄັ້ງທີ X ຂອງພັກ, ແຜນພັດທະນາ ເສດຖະກິດ-ສັງຄົມ 5 ປີຄັ້ງທີ 8 ແລະ ທັງເປັນການສ້າງຜົນງານເພື່ອຄຳນັບຮັບຕ້ອນ ວັນຊາດທີ 2 ທັນວາຄົບຮອບ 41 ປີ,ວັນຄູແຫ່ງຊາດ 7 ຕຸລາຄົບຮອບ 22 ປີ,

ການກະກຽມເປັນເຈົ້າພາບທີ່ດີໃຫ້ແກ່ ກອງປະຊຸມ ສຸດຍອດອາຊ່ຽນ ຄັ້ງທີ 28, 29 ແລະ ກອງປະຊຸມອື່ນໆ ທີ່ປິ່ນອ້ອມ ຢ່າງເປັນຂະບວນຟົດຟື້ນ. ຕອນເຊົ້າວັນທີ 5 ກັນຍານີ້ ທີ່ພະແນກສຶກສາທິການ ແລະ ກິລາແຂວງຫຼວງພະບາງ ໄດ້ຈັດພິທີໄຂສົກໃໝ່ 2016-2017 ຂຶ້ນ ໂດຍການເປັນປະທານຂອງທ່ານ ຄໍາຂັນ ຈັນທະວີສຸກ ກຳມະການສູນກາງພັກເຈົ້າແຂວງຫຼວງພະບາງ, ທ່ານ ເອິງ ລໍສະຫວັນ ຫົວໜ້າພະແນກ ສຶກສາທິການ ແລະ ກິລາແຂວງ, ມີ​ຮອງ​ເຈົ້າ​ເມືອງ, ຫົວໜ້າຫ້ອງ​ສຶກສາ​ທິການ ​ແລະ ກິລາ​ເມືອງ, ຄູ-​ອາຈານ ພ້ອມ​ດ້ວຍນ້ອງ​ນັກຮຽນ​ເຂົ້າ​ຮ່ວມ.

        ທ່ານ ເອິງ ລໍສະຫວັນ ຫົວໜ້າພະແນກສຶກສາທິການ ແລະ ກິລາແຂວງ ​ໄດ້​ຂຶ້ນ​ລາຍ​ງານ​ສະພາບ​ການຈັດ​ຕັ້ງ​ປະຕິວຽກງານ​ສຶກສາ ​ແລະ ກິລາ ​ໃນ​ປີຜ່ານມາ​​ ເຊິ່ງຍົກ​​ໃຫ້​ເຫັນ​ຜົນງານ, ດ້ານ​ດີ, ດ້ານ​ອ່ອນ ​ແລະ ຂໍ້ຄົງ​ຄ້າງ​ເພື່ອ​ສືບຕໍ່​ແກ້​ໄຂໃນຕໍ່ໜ້າ. ວັນ​ທີ 1 ກັນຍາ​ເຊິ່ງ​ແມ່ນ​ວັນໄຂສົກຮຽນໃໝ່​ຂອງ​ທຸກໆປີ ແລະ ໄດ້ມູນວຽນບັນຈົບມາຮອດອີກວາລະໜຶ່ງ, ວັນດັ່ງກ່າວແມ່ນມີຄວາມໝາຍຄວາມສຳຄັນ ຂອງຂະແໜງການສຶກສາເປັນວັນເລີ່ມຕົ້ນຂອງການເຕົ້າໂຮມຄວາມສາມັກຄີ, ຄວາມຄິດເຫັນທາງດ້ານວິຊາການ ທັງເປັນການເລີ່ມຕົ້ນ ຂອງການປະຕິບັດແຜນພັດທະນາການສຶກສາປະຈຳປີ 2016-2017 ສໍາລັບປີນີ້ວັນທີ 1 ກັນຍາ 2016 ຜ່ານມານີ້ຢູ່ບັນດາເມືອງ, ແຕ່ລະແຂວງທົ່ວປະເທດ ກໍ່ໄດ້ດໍາເນີນການໄຂສົກຮຽນໃໝ່ຢ່າງເປັນຂະບວນຟົດຟື້ນ. ແຕ່ສຳລັບແຂວງຫຼວງພະບາງ ໂດຍສະເພາະ ເມືອງຫຼວງພະບາງ ເມືອງມໍລະດົກໂລກ ແລ້ວວັນດັ່ງກ່າວ ກົງກັບວັນບຸນຫໍ່ເຂົ້າປະດັບດິນ (ບຸນຊ່ວງເຮືອເດືອນ 9​) ເປັນບຸນປະເພນີ ແລະ ເປັນບຸນປາງໃຫຍ່ຂອງເມືອງສະນັ້ນຈຶ່ງໄດ້ຈັດພິທີດັ່ງກ່າວນີ້ຂື້ນໃນວັນທີ 5 ກັນຍາ 2016.ໃນ​ສົກ​ 2016-2017 ນີ້ ທົ່ວ​ແຂວງ ຈະ​ມີ​ນັກຮຽນ​ເຂົ້າຮຽນນັບ​ແຕ່​ຊັ້ນ​ອະນຸບານ ຮອດ​ມັດທະຍົມຕອນ​ປາຍ ທັງ​ພາກ​ລັດ ​ແລະ ​ເອກະ​ຊົນ ມີທັງໝົ​ດ ປະມານ 1 ​ແສນ 3 ໝື່ນຄົນ ​ໃນ​ນັ້ນ ອະນຸບານ​ມີປະມານ 1 ໝື່ນ 4 ພັນ​ຄົນ, ປະຖົມ 6 ໝືນຄົນ, ມັດທະຍົມ​ຕົ້ນ 4 ໝື່ນຄົນ ​ແລະ ມັດທະຍົມ​ປາຍ 1 ໝື່ນ 6 ພັນ​ຄົນ.

        ​ເພື່ອ​ເຮັດ​ໃຫ້​ພິທີ​​ໄຂ​ສົກຮຽນ​ໃໝ່ 2016-2017 ທົ່ວ​ແຂວງຫຼວງພະ​ບາງ ມີ​ຄວາມໝາຍສຳຄັນ​ນັ້ນ ທ່ານ ຄຳຂັນ ຈັນທະວີສຸກ ເຈົ້າແຂວງ ​ໄດ້​ມີ​ຄຳ​ເຫັນ​ໂອ້​ລົມ ກ່ອນ​ອື່ນ ​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ​ຜົນງານ​ທີ​ພະ​ແນ​ກສຶກສາ​ທິການ ​ແລະ ກິລາ​ແຂວງ​ຍາດມາ​ໄດ້ ພ້ອມ​ທັງຮຽກຮ້ອງ​ໃຫ້​ຜູ້​ບໍລິຫານ​ການ​ສຶກສາ ​ແລະ ກິລາ​ທຸກ​ຂັ້ນ, ຄູ-ອາຈານ​ທຸກ​ຄົນ ຈົ່ງ​ເພີ່ມ​ທະວີ​ຄວາມ​ຮັບຜິດ​ຊອບ​ຕໍ່ໜ້າທີວຽກງານ​ໃຫ້​ສູງ​ຂຶ້ນ​, ເອົາໃຈໃສ່​ເພີ່ມ​ທະ​ຄວາມ​ສາມັກຄີ​ໃຫ້ໜັກ​ແໜ້ນຕ້ານ ​ແລະ ສະກັດ​ກັ້ນ​ປະກົດການ​ຫຍໍ້​ທໍ້​ທີອາດຈະ​ເກີດ​ຂຶ້ນ​ໃນ​ຂະ​ແໜງສຶກສາ ​ແລ​ະ ກິລາ ​ໃຫ້​ທັນ​ການ. ພ້ອມ​ນີ້​ທ່ານ​ຍັງ​ໃຫ້​ຮຽກຮ້ອງ​ໃຫ້​ລູກ​ຫານ ​ແລະ ນ້ອງ​ນັກຮຽນແຕ່ລະຂັ້ນ ຈົ່ງພ້ອມກັນເອົາໃຈໃສ່ສຶກສາຄົ້ນຄວ້າ ຮ່ຳຮຽນໃຫ້ກາຍເປັນຄົນ ຜູ້ທີມີຄວາມຮູ້ ຄວາມສາມາດ ເພື່ອປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດໃນອານາຄົດ.

        ໂອກາດດັ່ງການກ່າວທ່ານເຈົ້າແຂວງ ພ້ອມດ້ວຍການນຳຂອງພະແນກສຶກສາທິການ ແລະ ກິລາແຂວງ, ຄູ-ອາຈານ ແລະ ນັກຮຽນ ໄດ້ພ້ອມກັນເຂົ້າຮ່ວມລັ່ນຄ້ອງ ພ້ອມທັງປ່ອຍແພຜ້າເພື່ອເປັນສິລິມຸງຄຸນໃຫ້ແກ້ການໄຂສົກຮຽນໃໝ່.